Author: નોબત સમાચાર
છેતરપિંડીના ગુન્હામાં પાંચ મહિનાથી ફરાર થયેલા આરોપીની કરાઈ અટક
હત્યા કેસના બે ફરાર આરોપી ઝડપાઈ ગયાઃ
જામનગર તા. ૨૩: જામનગરમાં પાંચ મહિના પહેલા નોંધાયેલા છેતરપિંડી, વિશ્વાસઘાતના ગુન્હામાં નાસી ગયેલા આરોપીની પોલીસે અટકાયત કરી છે. જ્યારે કાલાવડના ખડધોરાજીનો એક શખ્સ ફર્લો પર જેલમાંથી મુક્ત થઈ પલાયન થયો હતો તેને તથા રાજકોટના હત્યા કેસમાં આરોપીને પોલીસે દબોચી લીધા છે.
જામનગરના સિટી સી ડિવિઝન પોલીસ સ્ટેશનમાં પાંચ મહિના પહેલાં છેતરપિંડી, વિશ્વાસઘાતનો એક ગુન્હો નોંધાયો હતો. જેમાં ગાયત્રી નગરમાં રહેતા કુલજીતસિંહ વિજયસિંહ ચુડાસમા નામના શખ્સની સંડોવણી ખૂલી હતી. ત્યારથી આ શખ્સ નાસી ગયો હતો. આ આરોપી મહાકાળી સર્કલ પાસે આવ્યો હોવાની બાતમી સિટી સી ડિવિઝનના ખીમશીભાઈ, વનરાજ ખવડ, હર્ષદ પરમારને મળતા આ શખ્સની ત્યાંથી અટકાયત કરવામાં આવી છે.
કાલાવડ તાલુકાના ખડ ધોરાજી ગામના ઈશાક સુલેમાન જોબણ ઉર્ફે ઘોઘા નામના શખ્સ સામે નોંધાયેલા હત્યાના એક ગુન્હામાં તેને અદાલતે સજા ફટકારી હતી. આ શખ્સ રાજકોટની જેલમાં સજા કાપી રહ્યો છે. જ્યાંથી તેણે ફર્લો મેળવી હતી. ત્યારપછી આ શખ્સ ફરીથી જેલમાં હાજર ન થઈ નાસી ગયો હતો. તેને કાલાવડના પીએસઆઈ વી.એ. પરમાર તથા સ્ટાફે ખડધોરાજી ગામમાંથી દબોચી લીધો છે.
રાજકોટના ખત્રીવાડની મેમણ શેરીમાં રહેતા ફિરોઝ ઝીકરભાઈ માટલીયા નામના શખ્સ સામે પાંચ વર્ષ પહેલાં હત્યાનો એક ગુન્હો નોંધાયો હતો. પોલીસે ધરપકડ કરી આ શખ્સને જેલમાં મોકલી આપ્યો હતો. આ શખ્સ પેરોલ પર મુક્ત થઈ પલાયન થઈ ગયો હતો. ગઈકાલે સિટી-બી ડિવિઝનના એએસઆઈ રઘુભા પરમાર, મયુરરાજસિંહ, સાજીદ બેલીમ દ્વારા કરવામાં આવી રહેલા પેટ્રોલિંગમાં આ શખ્સ સુભાષ બ્રિજ પાસે આવ્યો હોવાની બાતમી મળતા પીઆઈ પી.પી. ઝાની સૂચના તથા પીએસઆઈ કે.ડી. જાડેજાના વડપણ હેઠળ દોડી ગયેલી પોલીસ ટીમે આરોપીને પકડી પાડ્યો છે અને રાજકોટ જેલને તેનો કબજો સોંપવાની તજવીજ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
