Author: નોબત સમાચાર
મોખાણાના પાટીયા પાસેથી બેભાન મળેલા યુવાનનું મૃત્યુઃ હૃદયરોગ પ્રૌઢને ભરખી ગયો
કોઈ રીતે દાઝી ગયેલા જૂના નાગનાના યુવકનંુ મૃત્યુઃ
જામનગર તા. ૨૯: જામનગર-ખંભાળિયા રોડ પર મેઘપર ગામમાં વસવાટ કરતા એક પરપ્રાંતિય યુવાનને ફેફસાની બીમારી થયા પછી તેઓનું મૃત્યુ નિપજ્યું છે. જૂના નાગનાના યુવાન કોઈ રીતે દાઝી ગયા પછી મોતને શરણ થયા છે. મોખાણાના પાટીયા પાસેથી બેભાન હાલતમાં મળી આવેલા વિપ્ર યુવાનનું મૃત્યુ થયું છે. ઉપરાંત પેરોલ પર મુક્ત થઈ ઘેર આવેલા એક પ્રૌઢને હૃદયરોગનો હુમલો ભરખી ગયો છે.
જામનગર-ખંભાળિયા ધોરીમાર્ગ પર આવેલા મેઘપર ગામમાં કુમારસિંહ કંચવા નામના આસામીના મકાનમાં ભાડેથી રહેતા મૂળ બિહાર રાજ્યના સમસ્તીપુર જિલ્લાના દલસીંગ રાય ગામના વતની મહેશભાઈ શાંતિભાઈ શાહ નામના ૪૫ વર્ષના યુવાન બે મહિના પહેલા વાહન અકસ્માતમાં ઈજા પામ્યા હતા. તે પછી તેઓને સારું થઈ જતા તેઓ પોતાના ઘેર પરત આવ્યા હતા.
નશો કરવાની આદત ધરાવતા મહેશભાઈને ફેફસાની બીમારી વળગી હતી. તેઓની તબિયત લથડતા ગઈ તારીખ ૨૦ના દિને આ યુવાનને સારવાર માટે હોસ્પિટલમાં દાખલ કરવામાં આવ્યા હતા. તેઓનું સારવાર દરમિયાન મૃત્યુ થયાનું તેમના પત્ની સીતાદેવી શાંતિભાઈ શાહે પોલીસમાં જાહેર કર્યું છે.
જામનગર નજીકના જૂના નાગના ગામમાં રહેતા જગદીશભાઈ માવજીભાઈ પારઘી નામના ૪૦ વર્ષના યુવાન શુક્રવારે સવારે પોતાના ઘરે હતા ત્યારે કોઈ રીતે દાઝી ગયા હતા. ગંભીર હાલતમાં આ યુવાનને સારવાર માટે જામ નગરની જી.જી. હોસ્પિટલમાં ખસેડવામાં આવ્યા પછી તેઓનું મૃત્યુ નીપજ્યાનું ડો. કે.ડી. શાહે પોલીસમાં જાહેર કર્યું છે.
જામનગરના ગાંંધીનગર વિસ્તારના શિવ દર્શન સોસાયટીમાં રહેતા હીરલભાઈ મહેશભાઈ જાની (ઉ.વ.૩૮) નામના યુવાન ગયા રવિવારે સવારે જામનગર બાયપાસ નજીક મોખાણા ગામના પાટિયા પાસેથી બેભાન હાલતમાં મળી આવ્યા હતા. ત્યાં દોડી આવેલી ૧૦૮ના તબીબે તેઓને ચકાસ્યા પછી મૃત્યુ પામેલા જાહેર કર્યા હતા. તેમના નાનાભાઈ હાર્દિક જાનીએ પોલીસને જાણ કરી છે.
જામનગર-ખંભાળિયા માર્ગ પર આવેલા નાઘેડી ગામના પાટીયા પાસે ગ્રીન વીલા સોસાયટીમાં રહેતા દિલીપસિંહ ભારૂભા ઝાલા (ઉ.વ.પ૦) નામના પ્રૌઢ અગાઉ એક હત્યાના કેસમાં આજીવન કેદની સજા પામ્યા હતા. તેઓ હાલમાં રાજકોટ જેલમાં સજા કાપતા હતા. તેઓ દસ દિવસની પેરોલ રજા પર પોતાના ઘેર આવ્યા પછી રવિવારે પોતાના ઘરે હતા ત્યારે બાથરૂમ ગયા હતા જ્યાં તેમને હૃદયરોગનો હુમલો આવી જતાં તેમનું મૃત્યુ નિપજ્યાનું પુત્ર બલભદ્રસિંહ ઝાલાએ પોલીસમાં જાહેર કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
