Author: નોબત સમાચાર
પંચવટી સર્કલ પાસે બાઈક પરથી ફોન ઉઠાવી લેનાર શખ્સની કરાઈ ધરપકડ
બે સપ્તાહ પહેલાં મોબાઈલ ઉઠાવ્યાની કબૂલાતઃ
જામનગર તા. ર૯: જામનગરના એક આસામીનો રૃા.૧૦ હજારની કિંમતનો મોબાઈલ પંચવટી સર્કલ પાસે બાઈક પરથી બે સપ્તાહ પહેલાં ઉપડ્યો હતો. તે ફોન ઉઠાવનાર બેડીના શખ્સને પોલીસે પકડી પાડ્યો છે.
જામનગરના એક આસામીનો રૃા.૧૦ હજારની કિંમતનો મોટોરોલા કંપનીનો મોબાઈલ બે સપ્તાહ પૂર્વે પંચવટી સર્કલ પાસે એક બાઈક પરથી ચોરાઈ ગયો હતો. આ ફોનના માલિકે તે ફોન બાઈક પર મૂક્યા પછી ઉપડી ગયો હતો. જેની પોલીસમાં ફરિયાદ કરવામાં આવી હતી.
તે ગુન્હાની તપાસ સિટી બી ડિવિઝનના પીઆઈ પી.પી. ઝાની સૂચનાથી એએસઆઈ રઘુભા પરમાર, રાજેશ વેગડ, ક્રિપાલસિંહ, દશરથસિંહ, મયુરરાજસિંહ, સંજય પરમાર, સાજીદ બેલીમ, હિતેશ મકવાણા, કલ્પેશ અઘારા, જયદીપસિંહ, વિપુલ ગઢવી દ્વારા કરવામાં આવી રહી હતી.
તે દરમિયાન મયુરરાજ સિંહ તથા સાજીદ બેલીમને મળેલી બાતમીના આધારે બેડી નજીકના પુલ નીચેથી બેડીના ખારી પ્લોટમાં રહેતા અકબર મામદ ભાયા નામના શખ્સને દબોચી લેવાયો હતો. તેના કબજામાંથી ઉપરોક્ત ફોન મળી આવ્યો હતો. તેની પૂછપરછ કરાતા અકબરે તે ફોન પંચવટી સર્કલ પાસે બાઈક પરથી ઉઠાવ્યાની કબૂલાત આપી છે. પોલીસે ફોન કબજે કરી અકબરની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
