Author: નોબત સમાચાર
ધ્રોળની જી.એમ. કન્યા વિદ્યાલયની વિદ્યાર્થિનીઓએ વિવિધ સ્પર્ધાઓમાં મેળવ્યા ગોલ્ડ-સિલ્વર-બ્રોન્ઝ મેડલ્સ
નાગપુરમાં યોજાયલી વેસ્ટ ઝોન જુનિયર એથ્લેટિક્સ સ્પર્ધામાં
જામનગર તા. ૨૬: મહારાષ્ટ્રના નાગપુરમાં યોજાયેલ ૩પ મી વેસ્ટ ઝોન જુનિયર એથ્લેટિક્સ સ્પર્ધામાં ધ્રોળના ખેલાડીઓએ ઉત્કૃષ્ટ દેખાવ કર્યો હતો.
સ્પોર્ટસ ઓથોરિટી ઓફ ગુજરાત દ્વારા ચાલતી જિલ્લાકક્ષા સ્પોર્ટસ સ્કૂલ યોજના અંતર્ગત જામનગર જિલ્લાના ધ્રોળ તાલુકામાં કાર્યરત જી.એમ. પટેલ કન્યા વિદ્યાલયની વિદ્યાર્થિનીઓએ નાગપુર, મહારાષ્ટ્રમાં તા. ૩૦-૯-ર૪ થી તા. ૮-૧૦-ર૦ર૪ દરમિયાન યોજાયેલ ૩પ મી વેસ્ટ ઝોન જુનિયર નેશનલ એથ્લેટિક્સ ચેમ્પિયનશીપમાં ઉત્કૃષ્ટ પ્રદર્શન કરેલ છે.
આ સ્પર્ધામાં ધ્રોળમાં અભ્યાસ કરતી આહુતિ વાડિયાએ ૧૦૦ મી કર્ડલ્સમાં પ્રથમ સ્થાન મેળવી ગોલ્ડ મેળવ્યા છે તેમજ શ્રદ્ધા કરંગિયાએ હેપ્ટાથોનમાં દ્વિતીય સ્થાન મેળવી સિલ્વર મેડલ અને હેતલ કરમુરે તુતીય સ્થાન મેળવી બ્રોન્ઝ મેડલ મેળવ્યા છે. આ જ સ્પર્ધા અંતર્ગત મીતેશ્વરીબા ગોહિલે ૩૦૦૦ મીટર રેસ વોકમાં તૃતીય સ્થાન મેળવી બ્રોન્ઝ મેડલ પ્રપ્ત કર્યા છે. ખેલાડીઓના આવા ઉત્કૃષ્ટ પ્રદર્શન માટે જામનગર જિલ્લા રમત વિકાસ અધિકારી ભાવેશ રાવલિયાએ ધ્રોળમાં ફરજ બજાવતા એથ્લેટિક્સ રમતના કોચ અવિનાશ ટંડેલ અને ટ્રેનર કાજલ ઝાપડિયાને નિષ્ઠાવાન કામગીરી બદલ બિરદાવ્યા છે.
ધ્રોળના આ ખેલાડીઓની રાષ્ટ્રીય સ્તર જામનગરનું નામ રોશન કરવા બદલ શાળાના સંચાલકો દ્વારા ખેલાડીઓનું શાળામાં આગમન થતા ભવ્ય સ્વાગત કરી આવકારાયા હતાં.
ઉલ્લેખનિય છે કે, રાજ્ય સરકાર દ્વારા જિલ્લા કક્ષા સ્પોર્ટસ સ્કૂલ યોજના અંતર્ગત તમામ વિદ્યાર્થીઓને સ્પર્ધામાં ભાગ લેવા જવા માટે પ્રવાસ ખર્ચ, નિવાસ અને ભોજન ખર્ચ સહિતની મદદ પૂરી પાડવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
