Author: નોબત સમાચાર
જામજોધપુરના વાંસજાળીયા પાસે દારૂની ૪૨૪ બોટલ સાથે મોટરચાલક ઝડપાયો
દારૂના રીસીવર સપ્લાયર સહિત છના નામ ખૂલ્યાઃ
જામનગર તા. ૨૬: જામજોધપુરના વાંસજાળીયાથી સતાપર ગામ વચ્ચે ગઈરાત્રે પોલીસે એક મોટરને રોકાવી તલાશી લેતાં તેમાંથી ઈંગ્લીશ દારૂની ૩૯૫ મોટી અને ૨૯ નાની બોટલ મળી આવી હતી. મોટરમાં જઈ રહેલા શખ્સે અન્ય છ સાગરિતના નામ આપ્યા છે. રૂપિયા સાડા નવ લાખનો મુદ્દામાલ કબજે કરાયો છે. કાલાવડમાંથી એક પરપ્રાંતીય શખ્સ દારૂની ત્રણ બોટલ સાથે મળી આવ્યો છે.
જામજોધપુર તાલુકાના વાંસજાળીયા ગામ પાસે ગઈકાલે એક મોટરમાં દારૂની હેરાફેરી થઈ રહી હોવાની બાતમી મળતા જામજોધપુરના પીઆઈ એ.એસ. રબારી તથા સ્ટાફે વોચ ગોઠવી હતી.
તે દરમિયાન રાત્રે સાડા દસેક વાગ્યે એક બ્રેઝા મોટર પસાર થતાં પોલીસે તેને રોકાવી તલાશી લીધી હતી. તે મોટરમાંથી ભારતીય બનાવટ ના અંગ્રેજી શરાબની જુદી જુદી બ્રાંડની ૩૯૫ બોટલ તથા ૨૯ ચપટા મળી આવ્યા હતા. તે જથ્થા સાથે દ્વારકા જિલ્લાના ભાણવડ તાલુકાના રાણપર ગામના બાવનભાઈ માંડાભાઈ કોડિયાતર નામના શખ્સની ધરપકડ કરાઈ છે.
આ શખ્સનો મોબાઈલ, દારૂની બોટલ, રૂા.૭ લાખની મોટર મળી કુલ રૂા.૯, ૬૦,૬૪૦નો મુદ્દામાલ પોલીસે કબજે કર્યાે છે. પ્રાથમિક પૂછપરછમાં આ શખ્સે પોતાના સાગરિત ઘેલુ જગા કોડિયાતર, ભોજા જેસા રબારી, સાગર બાવાજી, જગા દાનાભાઈ શામળા નામના રાણપરના શખ્સો ઉપરાંત પાસ્તરડી ગામના ખીમાભાઈ કોડિયાતર તથા અમરાભાઈ જગમાલ ખાંભલા નામના સરાડીયા ગામના શખ્સના નામ આપ્યા છે. પોલીસે તમામ સાત સામે ગુન્હો નોંધ્યો છે.
કાલાવડ શહેરમાં લીમડા ચોકમાંથી ગઈકાલે બપોરે પસાર થઈ રહેલા રાજસ્થાનના વતની સીબારામ હરરૂપસિંહ ગુર્જર નામના શખ્સને પોલીસે રોકી ચેક કરતા તેની પાસેથી ઈંગ્લીશ દારૂની ત્રણ બોટલ મળી આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
