Author: નોબત સમાચાર
ખંભાળીયાઃ ન.પા.ના સફાઈ કર્મચારીઓના આંદોલનને તોડી પાડવાના પ્રયાસો સામે રોષ
હડતાલ આજે છઠ્ઠા દિવસમાં પ્રવેશી
ખંભાળીયા તા. ર૬: ખંભાળીયા પાલિકાના સફાઈ કામદારો દ્વારા તેમના પડતર પ્રશ્નો અંગે ગત્ તા. ર૧-૧૦-ર૦ર૪ થી પાલિકા સામે પ્રતીક ઉપવાસ આંદોલન તથા કામગીરીમાં હડતાલ આજે છઠ્ઠા દિવસમાં પ્રવેશી છે.
આંદોલનના કન્વીનર તથા રાજય સફાઈકર્મી મહામંડળના મહામંત્રી રમેશભાઈ વાઘેલાએ એક મુલાકાતમાં જણાવેલ છે કે, ૬ દિવસથી ચાલતા શાંત અને અહીંસક આંદોલનમાં પાલિકા સત્તાધીશો હડતાલ તથા આંદોલન તોડી પાડવા ગુપ્ત રીતે મલીન તથા હિન રીતે પ્રયાસો કરી રહ્યાં છે. જે નીંદનીય છે. હાલ દિવાળીના તહેવારો થોડા દિવસોમાં આવનાર છે ત્યારે સફાઈકર્મીઓની હડતાલ આંદોલનનું પાલિકા સત્તાધીશો તાકીદે નિરાકરણ લાવે તેવી માંગણી છે. મલીન અને હીન પ્રયાસો આંદોલન તોડવાના થશે તો ના છૂટકે સફાઈકર્મીઓ આંદોલન જલદ બનાવીને ઉગ્ર પગલા લેશે જેની જવાબદારી પાલિકા સત્તાધીશો તથા ચીફ ઓફિસરની રહેશે તેમ જણાવ્યું હતું.
ખંભાળીયા શહેરમાં સફાઈ કર્મચારીઓની હડતાલના કારણે ઠેર-ઠેર ગંદકી અને કચરો ફેલાઈ ગયા છે. ગટરો છલકાઈ રહી છે અને ગંદાપાણી રસ્તા પર વહી રહ્યાં છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
