Author: નોબત સમાચાર
નાઘેડી ગામમાં બે પરિવાર વચ્ચે થઈ છૂટા હાથની મારામારીઃ સામસામી રાવ
એક મહિલા સહિત નવ સામે પોલીસે નોંધ્યો ગુન્હોઃ
જામનગર તા. ૧૫ઃ જામનગર નજીકના નાઘેડી ગામમાં ગઈકાલે સવારે બે પરિવાર વચ્ચે કોઈ બાબતે બોલાચાલી થયા પછી છૂટા હાથની મારામારી થઈ પડી હતી. બંને પક્ષે સામસામી ફરિયાદ નોંધાવી છે. પોલીસે એક મહિલા સહિત નવ સામે ગુન્હો નોંધ્યો છે.
જામનગર-ખંભાળિયા માર્ગ પર નાઘેડી ગામમાં રહેતા ભૂપતભાઈ ગોદરભાઈ ઘોડાસરા નામના યુવાન તથા તેના માતા, ભાઈને ગઈકાલે સવારે નાઘેડીના જ લખન ગઢવી, રેખાબેન મેર, કાનાભાઈ તેમજ વિક્રમભાઈ મેર, વિશાલ મારાજ, વિરૂ નામના છ વ્યક્તિએ ઢીકાપાટુથી માર મારી મોટરસાયકલમાં પથ્થર ફટકાર્યાની પોલીસમાં ફરિયાદ કરવામાં આવી છે.
આ ફરિયાદની સામે નાઘેડી ગામના માધવ સિદ્ધિ વિનાયક સોસાયટીમાં રહેતા રેખાબેન વિક્રમભાઈ પરમારે વળતી ફરિયાદ નોંધાવી છે. જેમાં તેઓએ ઢીકાપાટુ, ધોકાથી ભૂપત ચારણ, કારો ચારણ, નાગરાજ ચારણ નામના ત્રણ શખ્સે હુમલો કરી માર માર્યાનું જણાવ્યું છે. પોલીસે બંને ફરિયાદ પરથી એક મહિલા સહિત નવ સામે ગુન્હો નોંધી તપાસ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
