Author: નોબત સમાચાર
વીજ ચેકીંગ માટે આવી પહોંચેલી ટૂકડીને ગામમાં પ્રવેશવા ન દેવાઈ
કાલમેઘડાના ત્રણ શખ્સે ધમાલ મચાવી કરી ફરજ રૂકાવટઃ
જામનગર તા. ૧૫ઃ કાલાવડ તાલુકાના કાલ મેઘડા ગામમાં ગઈકાલે સવારે વીજ ચેકીંગ માટે આવી પહોંચેલી ટૂકડીને પાદરમાં જ ત્રણ અજાણ્યા શખ્સે રોકી લઈ ગામમાં પ્રવેશતા અટકાવ્યા હતા અને બરાડા પાડી અમારા ગામમાં વીજ ચેકીંગ નહીં કરવા દઈએ તેમ કહી વીજકર્મીઓની ફરજમાં રૂકાવટ કરતા નાયબ ઈજનેરે પોલીસમાં ફરિયાદ નોંધાવી છે.
કાલાવડ તાલુકાના કાલ મેઘડા ગામમાં ગઈકાલે સવારે પીજીવીસીએલની એક ટૂકડી વીજ ચેકીંગ માટે આવી પહોંચી હતી. આ ટૂકડીમાં રાજકોટ રૂરલ ડિવિઝનના નાયબ ઈજનેર ડેનીશ એન. વાછાણી સહિતના વીજકર્મી હતા.
તેઓ જ્યારે કાલમેઘડા ગામ પાસે પહોંચ્યા પછી ગામમાં પ્રવેશતા હતા ત્યારે ત્યાં ત્રણ અજાણ્યા શખ્સ ધસી આવ્યા હતા. તેઓએ આ વીજ અધિકારીઓની ઓળખ માંગ્યા પછી મોટા અવાજે બરાડા પાડી ગામમાં પ્રવેશ આપ્યો ન હતો અને અમારા ગામમાં વીજ ચેકીંગ કરવા નહીં દઈએ તેમ કહી નાયબ ઈજનેર સહિતના વીજ કર્મચારીઓની ફરજમાં રૂકાવટ કરી હતી. આ બાબતની ડેનીશભાઈએ કાલાવડ ગ્રામ્ય પોલીસ સ્ટેશનમાં ફરિયાદ નોંેંધાવતા પોલીસે ફરજ રૂકાવટ સહિતની કલમો હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
