Author: નોબત સમાચાર
જામનગરમાં ઘર વિહોણા ત્રેવીસ લોકોને સેલ્ટર હોમમાં આશ્રય અપાયો
મહાનગરપાલિકાનું માનવતાભર્યું કદમઃ
જામનગર તા. ૯ઃ જામનગરમાં છેલ્લા અઠવાડિયાથી ઠંડીનું પ્રમાણ વધ્યું છે, ત્યારે ઘર વિહોણા લોકોને ફૂટપાથ ઉપર રાતવાસો કરવો ખૂબ જ મુસ્કેલ બને છે. આથી ગત્ રાત્રે મહાનગર પાલિકા દ્વારા શહેરમાંથી ર૩ લોકોને ગત્ રાત્રે સેલ્ટર હોમમાં લઈ જવામાં આવ્યા હતાં. આમ મહાનગર પાલિકા દ્વારા ગરીબો ઘરવિહોણા લોકોને હૂંફ આપવાનું માનવતાભર્યું કાર્ય કરવામાં આવ્યું હતું.
જામનગર મહાનગર પાલિકામાં કમિશનર ડી.એન. મોદની સૂચના અને નાયબ કમિશનર વાય.ડી. ગોહિલના માર્ગદર્શન હેઠળ જામનગર પાલિકાની યુ.સી.ડી. પ્રોજેક્ટ એન્ડ પ્લાનીંગ સિક્યોરીટી તથા એસ્ટેટ શાખા દ્વારા સંયુક્ત રીતે ઝુંબેશ શરૃ કરવામાં આવી હતી અને શહેરમાં અલગ-અલગ વિસ્તારમાં જાહેર માર્ગ, ખુલ્લામાં અથવા ફૂટપાથ ઉપર રાતવાસો કરતા ઘરવિહોણા લોકોને સિટી બસ મારફત બેડેશ્વર માર્ગે આવેલા સેલ્ટર હોમમાં લઈ જવાયા હતાં. જેમાં ર૩ જેટલા લોકોનો બાળકો સહિત સમાવેશ થાય છે.
સેલ્ટર હોલમાં આ લોકો માટે રહેવા, જમવાની, નહાવા, ઓઢવા/પાથરવા વગેરેની વ્યવસ્થા કરવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
