Author: નોબત સમાચાર
દારૃબંધી ભંગના ગુન્હામાં નાસી ગયેલો આરોપી ખોડિયાર કોલોની પાસેથી ઝબ્બે
અઢી મહિના પહેલાં નોંધાયો હતો ગુન્હોઃ
જામનગર તા. ૯ઃ જામનગરના રણજીતસાગર રોડ પર એક સોસાયટીમાં વસવાટ કરતા શખ્સ સામે અઢી મહિના પહેલાં દારૃબંધી ભંગનો ગુન્હો નોંધાયા પછી આ આરોપી નાસી ગયો હતો. તેને ખોડિયારકોલોની પાસેથી પોલીસે પકડી પાડ્યો છે.
જામનગરના પંચકોશી-એ ડિવિઝન પોલીસ સ્ટેશનમાં અઢી મહિના પહેલાં દારૃબંધી ભંગનો એક ગુન્હો નોંધાયો હતો. જેમાં રણજીતસાગર રોડ પર મારૃ કંસારા હોલ નજીક વસવાટ કરતા મયુરસિંહ ગુમાનસિંહ જાડેજા નામના શખ્સની સંડોવણી ખૂલી હતી.
ત્યારપછી આ આરોપી પોલીસને હાથતાળી આપી નાસી ગયો હતો. ઉપરોક્ત આરોપી ખોડિયાર કોલોની બસ સ્ટેન્ડ નજીક આવી રહ્યો હોવાની બાતમી સિટી-સી ડિવિઝનના યશપાલસિંહ, શિવભદ્રસિંહ, યુવરાજસિંહને મળતા પીઆઈ એ.આર. ચૌધરીને વાકેફ કરાયા પછી પીએસઆઈ વી.એ. પરમારના વડપણ હેઠળની પોલીસ ટૂકડીએ આ આરોપીને પકડી પાડ્યો છે. તેનો કબજો પંચકોશી-એ ડિવિઝનને સોંપી આપવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
