શ્રીમદ્ ભાગવત સપ્તાહ જ્ઞાનયજ્ઞનું ભવ્ય આયોજન

Author: નોબત સમાચાર

શ્રીમદ્ ભાગવત સપ્તાહ જ્ઞાનયજ્ઞનું ભવ્ય આયોજન

શ્રી સત્કર્મ ફાઉન્ડેશન ટ્રસ્ટ-શ્રીકૃષ્ણ મિત્ર મંડળ દ્વારા તા. ૧ર થી ૧૮ જાન્યુ. સુધી કથા

જામનગર તા. ૯ઃ જામનગરની પાવન ભૂમિ ઉપર શ્રી સત્કર્મ ફાઉન્ડેશન ટ્રસ્ટ તથા શ્રીકૃષ્ણ મિત્ર મંડળ દ્વારા આગામી તા. ૧ર જાન્યુઆરી, ર૦ર૪ થી તા. ૧૮ જાન્યુઆરી સુધી એરપોર્ટ રોડ ઉપર તુલસી એવન્યુ પાર્ટી પ્લોટ, તુલસી નગરીમાં શ્રીમદ્ ભાગવત સપ્તાહ જ્ઞાનયજ્ઞનું ભવ્ય આયોજન કરવામાં આવ્યું છે.

વ્યાસાસને સુપ્રસિદ્ધ યુવાન કથાકાર પૂ. જીગ્નેશદાદા (રાધે-રાધે) બિરાજી કથાનું રસપાન કરાવશે. કથા શ્રવણનો સમય દરરોજ રાત્રે ૮-૩૦ વાગ્યાથી રહેશે.

તા. ૧ર-૧-ર૦ર૪ ના સાંજે પ-૩૦ વાગ્યે બાલાહનુમાન મંદિરેથી પોથી યાત્રા નીકશે. કથાની પૂર્ણાહૂતિ તા. ૧૮-૧-ર૦ર૪ ના સવારે ૯-૩૦ વાગ્યે થશે.

કથા દરમિયાન તા. ૧પ-૧-ર૦ર૪ ના વામન જન્મ, તા. ૧પ-૧-ર૦ર૪ ના શ્રીરામ જન્મ, તા. ૧પ-૧-ર૦ર૪ નંદ ઉત્સવ (કૃષ્ણ જન્મોત્સવ), તા. ૧૬-૧-ર૦ર૪ ના ગિરીરાજ ઉત્સવ, તા. ૧૭-૧-ર૦ર૪ ના કૃષ્ણ-રૃક્ષ્મણી વિવાહના પ્રસંગ ઉજવવામાં આવશે.

સમગ્ર કથાનું લાઈવ ટેલિકાસ્ટ રાધે રાધે ઓફિશ્યલ, યુ-ટ્યુબ, મોક્ષ ટીવી ઉપરથી કરવામાં આવશે. જામનગરની ધર્મપ્રેમી જનતાને આ ધાર્મિકોત્સવમાં કથા શ્રવણનો લાભ લેવા બન્ને આયોજક સંસ્થાઓના પ્રતિનિધિઓ દ્વારા અનુરોધ કરવામાં આવ્યો છે.

જો આપને આ પોસ્ટ ગમી હોય તો શેર કરો...