દ્વારકાના જગતમંદિર પર ગઢવી સમાજ દ્વારા નૂતન ધ્વજારોહણઃ ભવ્ય શોભાયાત્રા

Author: નોબત સમાચાર

દ્વારકાના જગતમંદિર પર ગઢવી સમાજ દ્વારા નૂતન ધ્વજારોહણઃ ભવ્ય શોભાયાત્રા

આઈશ્રી સોનલ જન્મશતાબ્દી મહોત્સવ નિમિત્તે

દ્વારકા તા. ૯ઃ દ્વારકામાં આઈશ્રી સોનલ જન્મશતાબ્દિ મહોત્સવ નિમિત્તે ગઢવી સમાજ દ્વારા દ્વારકાધીશ જગતમંદિરે ભવ્યાતિભવ્ય ધ્વજારોહણ કરાયું હતું.

દ્વારકામાં કચ્છથી યાત્રા કરી આવેલ યાત્રાસંઘ સાથે હજારો ચારણ ગઢવી સમાજના લોકો દ્વારા આઈશ્રી સોનલમા જન્મશતાબ્દી મહોત્સવ નિમિત્તે દ્વારકાધીશ જગતમંદિરના શિખર પર નૂતન ધ્વજારોહણ કરવામાં આવ્યું હતું. દ્વારકાના એન.ડી.એચ. હાઈસ્કૂલના ક્રિકેટ ગ્રાઉન્ડમાં ગઢવી સમાજના અગ્રણીઓ, સંતગણ તેમજ પચ્ચીસ હજારથી વધુ જનમેદની વચ્ચે ૧૦૦ યજમાનો દ્વારા ચારણગોર તેમજ બરાહ્મણોની ઉપસ્થિતિમાં ધ્વજાજીનું પૂજન કરવામાં આવ્યું હતું. ત્યારપછી યોજાયેલ ધ્વજાજીની શોભાયાત્રામાં ૯૦૦ વિશિષ્ટતાઓ જોડાઈ હતી જેમાં ૧૦૦ ચારણી પહેરવેશમાં રાસ રમતા ગોવાળિયા, ૧૦૦ સ્વરૂઢ યુવાનો, ૧૦૦ માતાજી સ્વરૂપ ધારણ કરેલ કન્યાઓ, ૧૦૦ યજમાનો, ૧૦૦ કચ્છી ઢોલી, ૧૦૦કળશધારી માતાઓ, ૧૦૦ ભૂદેવો, ૧૦૦ શ્રીયંત્ર તેમજ ૧૦૦ બાલકૃષ્ણ સ્વરૂપમાં લાલગોપાલો સાથેની ભવ્ય શોભાયાત્રા નીકળી હતી, જે વાજતે ગાજતે જગતમંદિરે પહોંચી હતી અને ત્યારપછી જગતમંદિરના શિખર પર નૂતન ધ્વજારોહણ કરવામાં આવ્યું હતું.

જો આપને આ પોસ્ટ ગમી હોય તો શેર કરો...