Author: નોબત સમાચાર
સૌનું જીવન હંમેશાં રોશનીની જેમ ઝળહળતું રહે તેવી શુભેચ્છાઃ કૃષિમંત્રી રાઘવજીભાઈ પટેલ
કૃષિમંત્રીએ જામનગરમાં વીર સાવરકર આવાસ ભવનની મુલાકાત લીધી
જામનગર તા. પઃ કૃષિમંત્રી રાઘવજીભાઈ પટેલે દિવાળીના પર્વ નિમિત્તે જામનગરમાં આવાસ યોજનાના લાભાર્થીઓ સાથે શુભેચ્છા મુલાકાત કરી હતી. બેડી રેલવે ઓવરબ્રિજ પાસે આવેલા વીર સાવરકર આવાસ ભવનના લોકોને શુભેચ્છાઓ પાઠવી મીઠાઈ અર્પણ કરી હતી, અને સૌનું જીવન હંમેશાં રોશનીની જેમ ઝળહળતું રહે તેવી શુભેચ્છા પાઠવી હતી.
રાજ્યના કૃષિ, પશુપાલન, ગૌસંવર્ધન, મત્સ્યોદ્યોગ, ગ્રામ વિકાસ અને ગ્રામ ગૃહ નિર્માણ વિભાગના મંત્રી રાઘવજીભાઈ પટેલે દિવાળીના પાવન પર્વ નિમિત્તે જામનગરમાં આવાસ યોજનાના લાભાર્થીઓ સાથે શુભેચ્છા મુલાકાત કરી શુભકામનાઓ પાઠવી હતી.
જામનગર મહાનગર પાલિકા હસ્તકની પ્રધાનમંત્રી આવાસ યોજના અંતર્ગત બેડી રેલવે ઓવરબ્રિજ પાસે આવેલ વીર સાવરકર ભવન તરીકે ઓળખાતી આવાસ યોજનાના લાભાર્થીઓ સાથે મંત્રીએ મુલાકાત કરી તેઓને મીઠાઈ અર્પણ કરી દિવાળીની શુભકામનાઓ પાઠવતા જણાવ્યું હતું કે, દરેક લોકોનું સ્વપ્ન હોય છે કે પોતાનું પાકું ઘર હોય.
વડાપ્રધાન નરેન્દ્રભાઈ મોદીની આગેવાની હેઠળ ભુપેન્દ્રભાઈ પટેલના માર્ગદર્શનમાં કાર્યરત ગુજરાત સરકાર દ્વારા આવાસ યોજનાના માધ્યમથી રાજ્યના લોકોના ઘરના ઘરનું સ્વપ્ન પૂર્ણ થઈ રહ્યું છે. ત્યારે આજે આપ સૌ પોતાના ઘરમાં દિવાળીની ઉજવણી કરી રહ્યા છો તેનો વિશેષ આનંદ છે. અહીં લોકોને બગીચા, રોડ રસ્તાઓ, પીવાનું પાણી, લિફ ટ સહિત તમામ પાયાની જરૂરિયાતો પૂરી પાડવામાં આવી છે. સરકાર દ્વારા આવાસ યોજનાના માધ્યમથી આધુનિક બાંધકામ કરી તમામ સવલતો ઊભી કરવામાં આવી છે.
તેઓએ આવાસમાં રહેતા તમામ લાભાર્થીઓને મીઠાઈનું વિતરણ કરી તેમનું જીવન હંમેશા રોશનીની જેમ ઝળહળતું રહે તેવા આશિર્વચન પાઠવ્યા હતા. આ કાર્યક્રમમાં આવાસ યોજનાના લાભાર્થીઓએ પોતાના પ્રતિભાવો વ્યક્ત કરી સરકારનો આભાર વ્યક્ત કર્યો હતો.
કાર્યક્રમમાં સ્ટેન્ડિંગ કમિટીના ચેરમેન નિલેશભાઈ કગથરા, સાશક પક્ષના નેતા આશિષભાઈ જોષી, ડેપ્યુટી મ્યુનિસિપલ કમિશનર ભાવેશ જાની, માર્કેટિંગ યાર્ડના ડાયરેક્ટર પ્રદ્યુમનસિંહ જાડેજા, આવાસ સમિતિના ચેરમેન જયેન્દ્રસિંહ ઝાલા, દિલીપસિંહ ચુડાસમા, કોર્પોરેટરો બીનાબેન કોઠારી, પ્રભાબેન ગોરેચા, લાભાર્થીઓ વગેરે ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
