Author: નોબત સમાચાર
રાજપાર્ક પાસે મોટરે ઠોકર મારતા બાઈક ફંગોળાયું: બે બાળકી સહિત ત્રણને ઈજા
કારચાલક બાઈકને ઠોકર મારી નાસી છૂટ્યોઃ
જામનગર તા. પઃ જામનગરના ગુલાબનગર રોડ પર રાજપાર્કના ઢાળીયા પાસે રવિવારે રાત્રે એક મોટરે આગળ જતા બાઈકને ઠોકર મારતા બે બાળકી તથા તેની માતા ઘવાયા છે. પોલીસે મોટર ચાલક સામે ગુન્હો નોંધ્યો છે. જામનગરના ગુલાબનગર રોડ પર આવેલા રાજપાર્ક નજીક રંગમતી પાર્ક-રમાં રહેતા સંજયભાઈ દામજીભાઈ કણઝારીયા નામના સતવારા યુવાન રવિવારે રાત્રે નવેક વાગ્યે જીજે-૩-ડીઆર ૫૨૧૮ નંબરના મોટરસાયકલમાં પત્ની ચેતનાબેન તથા પુત્રી રૂચા અને જાનવી સાથે નીકળ્યા હતા.
તેઓ જ્યારે રાજપાર્ક રોડ પર સેવા સદન નજીક ઢાળીયા પાસે પહોંચ્યા ત્યારે જીજે-૩-સીએ ૩૧૪૩ નંબરની અલ્ટો મોટર પુરપાટ ઝડપે ધસી આવી હતી. તે મોટરના ચાલકે સંજયભાઈના બાઈકને ઠોકર મારતા આ પરિવાર બાઈક પરથી ફંગોળાઈ ગયો હતો. રૂચા નામની બાળકીને પગમાં ફ્રેકચર થઈ ગયું છે. જ્યારે જાનવીને ઈજા થઈ છે. ચેતનાબેનને માથામાં ટાંકા આવ્યા છે. સંજયભાઈએ મોટર ચાલક સામે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
