Author: નોબત સમાચાર
ગેંગરેપ તથા આત્મહત્યાની દુષ્પ્રેરણાના ગુન્હામાં ફરાર આરોપીને ઝડપી લેવાયો
નડિયાદ પાસે પીપળાદ ચોકડી નજીકથી મળી આવ્યોઃ
જામનગર તા. ૫: જામનગરમાં દસેક વર્ષ પહેલાં એક યુવતી પર ગુજારાયેલા ગેંગ રેપ પછી તે યુવતીએ આત્મહત્યા કરી લીધી હતી. પોલીસે તે ગુન્હામાં આરોપીઓની ધરપકડ કરી હતી. તેમાંથી એક આરોપી સાત મહિના પહેલાં વચગાળાના જામીન પર મુક્ત થઈને ફરાર થઈ ગયો હતો તેને પેરોલ ફર્લો સ્કવોડે પકડી પાડ્યો છે.
જામનગરના સિટી સી ડિવિઝન પોલીસ સ્ટેશનમાં દસ વર્ષ પહેલાં એક યુવતીની આત્મ હત્યા અંંગેનો ગુન્હો નોંધાયો હતો. આ યુવતી પર જે તે વખતે ગેંગરેપ ગુજારવામાં આવ્યો હતો અને તેના કારણે આ યુવતીએ આત્મહત્યા કરી લીધી હતી.
પોલીસે ગુન્હો નોંધી હાથ ધરેલી તપાસમાં પરેશ ભાયાભાઈ હાથલીયા અને અન્ય ચાર શખ્સોની સંડોવણી ખૂલી હતી. આ યુવતીને દુષ્કૃત્ય નો ભોગ બનાવી પરેશ હાથલીયા સહિતના શખ્સોએ તેનું ક્લિપીંગ તેણીના પરિવારને બતાવી દેવાની ધમકી આપી બ્લેકમેઈલીંગ શરૂ કર્યું હતું અને મારી નાખવાની ધમકી પણ અપાતા નાસીપાસ થયેલી આ યુવતીએ સ્યુસાઈડ નોટ લખી ઝેરી દવા પી આત્મહત્યા વ્હોરી લીધી હતી. આ ગુન્હામાં પોલીસે મહાવીર પાર્ક ટેલિફોન એક્સચેન્જ પાસે રહેતા પરેશ ભાયાભાઈ હાથલીયા સહિતના આરોપીઓની ધરપકડ કરી હતી. અદાલતે આરોપીઓને જેલહવાલે કર્યા હતા.
જેલમાંથી ગયા માર્ચ મહિનામાં ૧૪ દિવસ માટે પરેશ હાથલીયા વચગાળાના જામીન પર મુક્ત થયો હતો. તે પછી આ શખ્સ નાસી ગયો હતો. ઉપરોક્ત આરોપી નડિયાદ નજીક પીપળાદ ચોકડી પાસે આવ્યો હોવાની બાતમી મળતા જામનગર પેરોલ ફર્લો સ્કવોડના પીએસઆઈ વાય.બી. રાણા તથા સ્ટાફે ત્યાં ધસી જઈ આરોપીની અટક કરી તેને જામનગરની જિલ્લા જેલમાં મોકલી આપવા માટે તજવીજ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
