Author: નોબત સમાચાર
ત્રણ દરવાજા પાસેથી ઘોડીપાસા વડે જુગાર રમતા બે ઝબ્બેઃ વર્લીબાજ પકડાયો
નાગેશ્વર કોલોનીમાં ઝડપાયો એકીબેકીનો જુગારઃ
જામનગર તા. ૧૭ઃ જામનગરના ત્રણ દરવાજા વિસ્તારમાંથી બે શખ્સ ઘોડીપાસા વડે જુગાર રમતા ઝડપાયા છે. નાગેશ્વર કોલોનીમાંથી બે શખ્સ ચલણી નોટના નંબર પર જુગાર રમતા પકડાયા છે અને લાલપુરમાંથી એક વર્લીબાજ મળી આવ્યો છે.
જામનગરના ત્રણ દરવાજા વિસ્તારમાં આવેલી મીઠાવાળી ગલી પાસે ગઈકાલે રાત્રે જાહેરમાં ઘોડીપાસા વડે જુગાર રમી રહેલા ઈબ્રાહીમ મુસા બશર, કિશન બાનાભાઈ ગડણ નામના બે શખ્સને સિટી-બી ડિવિઝનના સર્વેલન્સ સ્ટાફે દરોડો પાડીને ઝડપી લીધા હતા. ઘોડીપાસા તથા રોકડ કબજે લેવામાં આવી છે.
જામનગરની નાગેશ્વર કોલોનીમાં ઢોલીયા પીરની દરગાહ પાસે ગઈકાલે રાત્રે ચલણી નોટના નંબર પર એકી બેકી બોલી જુગાર રમતા મહેશ સવજીભાઈ ડોણાસીયા, વિજય સુખાભાઈ મકવાણા નામના બે શખ્સને પકડી લઈ સિટી-બી ડિવિઝનના સ્ટાફે રૂા.૬૬૦ કબજે લીધા છે.
લાલપુરમાં બસ સ્ટેન્ડ પાસે ગઈકાલે બપોરે વર્લીના આંકડા લખતા જયંતિભાઈ દયારામ દાણીધારીયા નામના વૃદ્ધને પોલીસે પકડી પાડ્યા હતા. તેમના કબજામાંથી રોકડ, વર્લીના આંકડા લખેલી ચિઠ્ઠી કબજે લીધી છે. આરોપીએ પોતાની પાસેથી કપાત લેતા મનજી ભાણજીભાઈ બેચરાનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
