Author: નોબત સમાચાર
લૈયારા પાસે ટેન્કરમાંથી પેટ્રોલ-ડીઝલ કાઢવાનું કૌભાંડ ઝડપાયુંઃ બેની અટક
ટેન્કર, આઠ કેન, મોટર સહિત પચ્ચીસ લાખનો મુદ્દામાલઃ
ધ્રોલ તા. ૧૭ઃ જામનગર-રાજકોટ ધોરીમાર્ગ પર ધ્રોલ નજીકના લૈયારા ગામ પાસે એક હોટલ સામેના સીમ વિસ્તારમાં ગઈકાલે સાંજે પેટ્રોલ-ડીઝલ ભરેલા એક ટેન્કરમાંથી પેટ્રોલ તથા ડીઝલના કેન ભરી રહેલા બે શખ્સને પકડી પાડવામાં આવ્યા છે. આઠ કેન, પેટ્રોલ તથા ડીઝલ ભરેલું ટેન્કર, એક મોટર મળી રૂા.૨૫ લાખ ઉપરાંતનો મુદ્દામાલ કબજે કરવામાં આવ્યો છે. સ્થળ પરથી ટેન્કરના ચાલક સહિત બે શખ્સ ઝડપાયા છે.
જામનગર-રાજકોટ માર્ગ પર ધ્રોલથી આગળ આવેલા લૈયારા ગામ પાસે સોમનાથ હોટલની સામેના ભાગમાં એક ખેતરમાં જવાના રસ્તે ટેન્કર ઉભુ હોવાની અને તેમાંથી પેટ્રોલ કે ડીઝલ કાઢવામાં આવી રહ્યું હોવાની બાતમી મળતા ગઈકાલે સાંજે ધ્રોલ પોલીસ સ્ટેશનના સ્ટાફે તે સ્થળે દરોડો પાડ્યો હતો.
ત્યાંથી એક ટેન્કર મળી આવ્યું હતું. તે ટેન્કરનું સીલ તોડી તેમાંથી પેટ્રોલ તથા ડીઝલ કાઢી લેવામાં આવતું હોવાનું જોવા મળ્યું હતું. પોલીસે સ્થળ પરથી ડીઝલ ભરેલા ચાર કેન, પેટ્રોલ ભરેલા પણ ચાર કેન તેમજ ટેન્કર અને આ સ્થળે તેની સાથે જ ઉભેલી એક મોટર મળી કુલ રૂા.૨૫,૮૫,૩૬૨નો મુદ્દામાલ કબજે કર્યાે છે.
આ જથ્થા સાથે જામનગર તાલુકાના સિક્કાની ગોકુલ પુરીમાં મારૂતીનગરમાં રહેતા દીપક રાજુભાઈ માનસુરીયા ઉર્ફે દિનેશ કોળી તથા ધ્રોલના જાલીયા માનસર ગામના રમેશ ઉર્ફે ભરત વાલજીભાઈ બેડીયા નામના બે શખ્સની ધરપકડ કરી છે. બંને સામે આઈપીસી ૨૮૫ તથા ૧૧૪ હેઠળ ધ્રોલ પોલીસ માં ગુન્હો રજીસ્ટર થયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
