Author: નોબત સમાચાર
રિક્ષામાં રોકડ સાથેની ભૂલાઈ ગયેલી બેગ શોધી આપતું કમાન્ડ કંટ્રોલ સેન્ટર
જુદા જુદા વિસ્તારના સીસીટીવીમાંથી મળી ભાળઃ
જામનગર તા. ૯: જામનગરના એક આસામી વિકાસગૃહથી કલ્યાણજી ચોક જવા જે રિક્ષામાં નીકળ્યા હતા તે રિક્ષામાં રૂ.ર૭ હજારની રોકડવાળી બેગ ભુલાઈ ગઈ હતી. પોલીસના કમાન્ડ એન્ડ કંટ્રોલ સેન્ટરના સ્ટાફે તે રિક્ષા શોધી બેગ પરત અપાવી છે.
જામનગરમાં રહેતા સ્મિત કિશોરભાઈ મહેતા અને અન્ય ૫૦ લોકો રાજસ્થાન તેમજ અન્ય સ્ળથોએ આવેલા જૈન મંદિરોના દર્શનાર્થે ગયા હતા. ત્યાંથી આ સંઘ ગુરૂવારે પરત ફર્યાે ત્યારે સ્મિત મહેતાની બેગ રિક્ષાામાં ભુલાઈ ગઈ હતી.
આ આસામી વિકાસગૃહ પાસેથી રિક્ષામાં કલ્યાણજી ચોક પહોંચ્યા હતા. તેમની બેગમાં હિસાબની બુક તેમજ ડોક્યુમેન્ટ હોવાથી તેઓએ પોલીસના કમાન્ડ એન્ડ કંટ્રોલ રૂમનો સંપર્ક સાધ્યો હતો. સેન્ટરના પીએસઆઈ પી.પી. જાડેજાના માર્ગદર્શન હેઠળ એએસઆઈ પી.એ. ખાણધર, લીલાબેન મકવાણા, દિવ્યાબેન વાઢેર સહિતનાએ અલગ અલગ સ્થળોએ સીસીટીવી ચકાસતા તે રિક્ષાના સગડ મળ્યા હતા. તે પછી રિક્ષાચાલકનો સંપર્ક કરી અંદાજે રૂ.૨૭ હજાર રોકડા જેમાં હતા તે બેગ શોધી કઢાઈ હતી અને તેના માલિકને પરત સોંપી આપવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
