ટ્રેન ઉપાડવાના ચાર કલાકના બદલે હવે આટલી કલાક પહેલા જાણી શકાશે કન્ફર્મ ટિકિટ

Author: નોબત સમાચાર

ટ્રેન ઉપાડવાના ચાર કલાકના બદલે હવે આટલી કલાક પહેલા જાણી શકાશે કન્ફર્મ ટિકિટ

રેલવે દ્વારા બિકાનેરમાં સફળ પ્રયોગ પછી ટૂંક સમયમાં અન્યત્ર લાગુ કરાશેઃ

નવી દિલ્હી તા. ૧૧: ભારતીય રેલવેએ યાત્રિકોની સુવિધા માટે નવી પહલ શરૂ કરી છે, તેથી ટૂંક સમયમાં વેઈટીંગ લિસ્ટ ચાર્ટ ૪ કલાકના બદલે ર૪ કલાક પહેલા તૈયાર થશે. બિકાનેર ડિવિઝનમાં યોજના સફળતાપૂર્વક લાગુ થયા પછી હવે ટૂંક સમયમાં દેશના અન્ય ભાગોમાં લાગુ થશે. જેથી ટ્રેન ઉપડવાના ર૪ કલાક પહેલા કન્ફર્મ ટિકિટ થઈ કે નહિં તે જાણી શકાશે. આ મુદો રેલવેની વિચારણા હેઠળ છે.

રેલવે ટ્રેન ઉપડવાના ર૪ કલાક પહેલા ચાર્ટ જાહેર કરવાની યોજના બનાવી રહી છે. આવી સ્થિતિમાં મુસાફરો ર૪ કલાક પહેલા જ તેમની સીટની સ્થિતિ જાણી શકશે. હાલમાં ટ્રેન ઉપડવાના ૪ કલાક પહેલા જ ખબર પડે છે કે તમારી સીટ કન્ફર્મ છે કે નહીં. આનાથી દૂરથી આવતા મુસાફરોને ઘણી મુશ્કેલી પડે છે. તેઓ છેલ્લી ઘડી સુધી જાણતા નથી કે તેમની ટિકિટ કન્ફર્મ છે કે નહીં. તમને જણાવી દઈએ કે ચાર્ટમાં ક્યા મુસાફરને કઈ સીટ મળી છે તેની માહિતી હોય છે.

રેલવેના સૂત્રએ જણાવ્યું હતું કે, આ યોજના ૬ જૂનથી રાજસ્થાનના બિકાનેર ડિવિજનમાં શરૂ કરવામાં આવી છે. અત્યાર સુધી કોઈ સમસ્યા આવી નથી. તેમણે કહ્યું, અમે થોડા વધુ અઠવાડિયા સુધી તેનો પ્રયાસ કરીશું. આનાથી ખબર પડશે કે કોઈ સમસ્યા છે કે નહીં. જો કોઈ સમસ્યા ઊભી થાય છે, તો તેને કેવી રીતે ઉકેલવી. ઘણી વખત મુસાફરોને સ્ટેશન પર મુશ્કેલી પહોંચવાના થોડા કલાકો પહેલા ખબર પડે છે કે તેમની વેઈટીંગ લિસ્ટ ટિકિટ કન્ફર્મ નથી. આનાથી તેમને ઘણી મુશ્કેલી પડે છે. ર૪ કલાક અગાઉથી જારી કરાયેલ ચાર્ટ લોકોને તેમની મુસાફરીનું આયોજન કરવામાં મદદ કરશે અને તણાવ પણ ઘટાડશે. આ નવી સિસ્ટમ મુસાફરોને તેમની મુસાફરીનું વધુ સારી રીતે આયોજન કરવામાં મદદ કરશે. ઉદાહરણ તરીકે ૧૦૦ કિ.મી. કે તેથી વધુ અંતરેથી આવતા મુસાફરોને સ્ટેશન પર પહોંચવા માટે વધુ સારી માહિતી અને સમય મળશે. આનાથી છેલ્લી ઘડીની મુશ્કેલી ઓછી થશે, જો કે આ મુદ્દો હજુ વિચારણા મેઠળ છે.

જો આપને આ પોસ્ટ ગમી હોય તો શેર કરો...