Author: નોબત સમાચાર
દરેડ જીઆઈડીસીમાં ખોલીમાંથી દારૂની નાની મોટી અગિયાર બોટલ કબજે કરાઈ
ઈંગ્લીશ દારૂના આઠ ચપલા સાથે એક ઝડપાયોઃ
જામનગર તા. ૧૧: જામનગરના દરેડ જીઆઈડીસીમાં એક ખોલીમાંથી પોલીસે ઈંગ્લીશ દારૂની મોટી બોટલ અને દસ ચપલા સાથે એક શખ્સને પકડી લીધો છે. કાલાવડના ખંઢેરામાંથી એક શખ્સ પાંચ બોટલ સાથે ઝડપાયો છે અને એક રિક્ષાચાલક દારૂના આઠ ચપલા સાથે પોલીસની ગિરફતમાં આવ્યો છે.
જામનગરના લાલવાડી વિસ્તારમાં આવેલા આવાસના બ્લોક નં.એ-૬૦૪માં રહેતો અને રિક્ષા ડ્રાઈવીંગનો વ્યવસાય કરતો રાહુલ દીપકભાઈ ગોસાઈ નામનો શખ્સ ગઈકાલે રાત્રે લાલવાડી આવાસ પાસેથી પસાર થતો હતો ત્યારે પોલીસે તેને રોકાવી તલાશી લેતા આ શખ્સના કબજામાંથી ઈંગ્લીશ દારૂના આઠ ચપલા મળી આવ્યા હતા. પોલીસે ચપલા કબજે કરી રાહુલની ધરપકડ કરી છે.
જામનગર નજીકના દરેડ જીઆઈડીસીમાં આવેલા યલો ગોલ્ડ નામના કારખાના પાસે રામ ગોજીયા નામના આસામીની ખોલીના રૂમ નં.૭માંથી પોલીસે મયુર ટાઉનશીપની શેરી નં.૪માં રહેતા મૂળ કાલાવડના નવાગામના વતની રાકેશ રમેશભાઈ અકબરી નામના શખ્સને ઈંગ્લીશ દારૂની એક મોટી બોટલ તથા દસ ચપલા સાથે પકડી લઈ ગુન્હો નોંધ્યો છે.
કાલાવડ તાલુકાના ખંઢેરા ગામની લખમી સીમમાં બાવળની ઝાળીઓમાં સંતાડીને રાખવામાં આવેલી ભારતીય બનાવટના અંગ્રેજી શરાબની પાંચ બોટલ પોલીસે પકડી લીધી છે. ખંઢેરા ગામના મોહીરાજસિંહ હકુમતસિંહ જાડેજા નામના શખ્સે ચોટીલામાં રહેતા મૂળ કાલાવડના મુકેશ ભૂપતભાઈ ખોડાણી પાસેથી વેચવા માટે આ બોટલ લીધી હોવાનું ખૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
