Author: નોબત સમાચાર
જામનગરની શિપીંગ કંપની દ્વારા વડોદરાની પેઢી સામે રૂ. ત્રણ કરોડથી વધુની વસુલાત માટે દાવો
સ્ટીબડોટીંગ અને લોડીંગ- અનલોડીંગ, બાર્જના ભાડાની રકમ બાકી હતી
જામનગર તા.૧૧ : જામનગરની પ્રતિષ્ઠિત શિપીંગ કંપની શ્રીજી શિપીંગ ગ્લોબલ લિમીટેડે વડોદરાની કૈલાશ બલ્ક હેન્ડલીંગ પ્રા.લિ.સામે કુલ રૂ.૩ કરોડથી વધુની રકમ વસુલવા દાવો કર્યો છે.
દેશના વહાણવટા ઉધોગમાં પ્રતિષ્ઠિત કંપની એવી જામનગરની શ્રીજી શિપીંગ ગ્લોબલ લિમિટેડે વડોદરાની કૈલાશ બલ્ક હેન્ડલીંગ પ્રાઈવેટ લિમિટેડનું સ્ટીબડોરીંગ અને લોડીંગ અનલોડીંગનું કામ કર્યું હતું તેમજ બાર્જ સહિતના સાધનો ભાડે આપ્યા હતાં જેની રૂ. ૧,૮૧,૨૦,૫૦૦ લેવાના થતાં હતાં. પરંતુ વડોદરાની આ કંપનીએ કામની રકમ નહી ચુકવતાં જામનગરની શ્રીજી શિપીંગ ગ્લોબલ લિમિટેડ દ્વારા જામનગરની સિવીલ કોર્ટમાં લ્હેણી ૨કમ વ્યાજ સાથે વસુલ કરવા દાવો કર્યો છે.
આ દાવામાં વર્ષ ૨૦૨૧ થી અત્યાર સુધીની મુદ્દલ તથા વ્યાજ સહિત કુલ રૂ. ૩,૧૧,૬૭,૨૬૦ વસુલ કરવા કરેલા દાવામાં જણાવાયું છે કે વડોદરાની કંપનીએ જામનગરની શ્રીજી શિપીગને લ્હેણી રકમ પેટે છેલ્લે વર્ષ ૨૦૨૩ માં રૂ.પંદર લાખ ચુકવ્યા હતાં. એ પછીથી અત્યાર સુધી લ્હેણી રકમ ચુકવી નથી.
આ દાવામાં સામાવાળી વડોદરાની કૈલાશ બલ્ક હેન્ડલીંગ પ્રા.લિ.ના ડાયરેકટરો તરીકે પ્રતિક્ષા પ્રદિપ ઝા, તૌષી ઝા, પ્રવિણભાઈ શાંતિલાલ શાહ અને નિહાર સનતકુમાર માંકડ સામે આ કાનૂની કાર્યવાહી કરવામાં આવી છે.
આ દાવામાં જામનગરની શ્રીજી શિપીંગ ગ્લોબલ લિમિટેડ તરફથી વકિલ મિતેષભાઈ પટેલ રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
