Author: નોબત સમાચાર
લાલપુરના નાંદુરીમાં જુગારનો દરોડોઃ ચાર પત્તાપ્રેમી પકડાયા, બે શખ્સ નાસી જવામાં સફળ
સલાયા તથા રાવલમાં તીનપત્તી રમતા સાત ઝબ્બેઃ
જામનગર તા. ૧૧: લાલપુરના નાંદુરી ગામમાં ગઈકાલે સાંજે ગંજીપાનાથી જુગાર રમતા ચાર શખ્સ પકડાયા છે. બે નાસી જવામાં સફળ થયા છે. દ્વારકા જિલ્લાના સલાયામાંથી ત્રણ પત્તાપ્રેમીને પોલીસે પકડી લીધા છે. કલ્યાણપુરના રાવલમાં ગંજીપાના કૂટતા ચાર શખ્સ મળી આવ્યા છે અને એક નાસી ગયો છે.
લાલપુર તાલુકાના નાંદુરી ગામમાં ગઈકાલે સાંજે કેટલાક શખ્સો એકઠા થઈ જાહેરમાં ગંજીપાના વડે જુગાર રમતા હોવાની બાતમી પરથી લાલપુર પોલીસ સ્ટેશનના સ્ટાફે દરોડો પાડ્યો હતો.
ત્યાં આવેલી દાવલશા પીરની જગ્યામાં તીનપત્તી રમતા દિનેશભાઈ નારણભાઈ કરંગીયા, દેવાભાઈ નાથાભાઈ ઝાપડા, નરેશ ભોજાભાઈ આયડી, નાથાભાઈ પાલાભાઈ કરંગીયા નામના ચાર શખ્સને પોલીસે પકડી લીધા હતા. જ્યારે હમીરભાઈ જેતાભાઈ કરંગીયા, અગરસંગ લાલુભા જાડેજા નામના બે શખ્સ નાસી ગયા હતા. પોલીસે પટમાંથી રૂ.૧૭૭૦ રોકડા અને ગંજીપાના કબજે કરી છએય સામે જુગારધારાની કલમ ૧૨ હેઠળ ગુન્હો નોંધ્યો છે.
સલાયાના ગોઈંજ રોડ પર ગોજવેલ પાસે ગઈકાલે સાંજે ગંજીપાના કૂટતા શબ્બીર હુસેન ભગાડ, સુલતાન જુસબ સંઘાર, આબીદ ઈકબાલ બારોયા નામના ત્રણ શખ્સને પોલીસે પકડી લઈ રૂ.૩૧૦૦ ઝબ્બે લીધા છે.
કલ્યાણપુર તાલુકાના રાવલ ગામમાં તીનપત્તી રમતા કાનાભાઈ લખમણભાઈ મેર, સંજય વિજુભાઈ બારીયા, રોહિત દેવાભાઈ જાદવ, કેશુભાઈ લખમણભાઈ મેર નામના ચાર શખ્સ પોલીસના દરોડામાં ઝડપાઈ ગયા હતા. સંજય મોહનભાઈ જમોડ નામનો શખ્સ નાસી ગયો હતો. પટમાંથી રૂ.૨૫૬૦ કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
