Author: નોબત સમાચાર
ખંભાળિયામાં ખેડૂતની થેલીમાં ચેકો મારી અજાણ્યા શખ્સે સેરવી લીધા રૂપિયા એક લાખ
પાક ધિરાણની બેંકમાંથી ઉપાડેલી રકમ પલકવારમાં ગઈઃ
જામનગર તા. ૧૧: ખંભાળિયાના વિંઝલપર ગામના એક ખેડૂત પાક ધિરાણની મંજૂર થયેલી રકમ ઉપાડવા માટે ગઈકાલે ખંભાળિયા આવ્યા પછી સેન્ટ્રલ બેંક ઓફ ઈન્ડિયાની શાખામાંથી રૂ.૧ લાખ કાપડની થેલીમાં રાખીને નીકળ્યા હતા. તેઓની થેલીમાં ચેકો મારી કોઈ શખ્સ આ રકમ સેરવી ગયો છે.
દેવભૂમિ દ્વારકા જિલ્લાના ખંભાળિયા તાલુકાના વિંઝલપર ગામના વાડી વિસ્તારમાં રહેતા મશરીભાઈ ફોગાભાઈ ડાંગર નામના ખેડૂત ગઈકાલે બપોરે ખંભાળિયા આવ્યા હતા. તેઓનું પાક ધિરાણ મંજૂર થયું હોવાથી તેઓ દરબારગઢ પાસે આવેલી સેન્ટ્રલ બેંક ઓફ ઈન્ડિયાની શાખામાં ધિરાણ મેળવવા માટે પહોંચ્યા હતા.
આ ખેડૂતને ધિરાણની રૂ.૧ લાખની રકમ બેંકના કર્મચારીએ સોંપ્યા પછી તેઓએ પોતાની પાસે રહેલી કાપડની થેલીમાં આ રકમ મૂકી હતી. તે પછી જ્યારે મશરીભાઈને થોડીવાર પછી થેલી હલકી ફુલકી લાગતા તેઓએ થેલી ખોલીને જોતા તેમાં રૂ.૧ લાખ જોવા મળ્યા ન હતા.
હાંફળાફાંફળા બની ગયેલા આ ખેડૂતે આજુબાજુમાં તપાસ કર્યા પછી પોલીસને જાણ કરતા પોલીસ કાફલો દોડી આવ્યો હતો. મશરીભાઈને બેંકમાંથી રૂ.૧ લાખ આપવામાં આવ્યા પછી જે થેલીમાં તેઓએ આ રકમ મૂકી હતી તે થેલીમાં આંગળીના કોઈ ઈલમીએ ચેકો મારી રકમ સેરવી લીધી હતી અને તેની મશરીભાઈને જાણ પણ થઈ ન હતી.
પોલીસે આ ખેડૂતની ફરિયાદ પરથી અજાણ્યા ઉઠાવગીર સામે ગુન્હો નોંધ્યો છે અને બેંકના સીસીટીવી કેમેરાના ફૂટેજ ચકાસવા ઉપરાંત રોડ પર મુકવામાં આવેલા અન્ય સીસીટીવી કેમેરાના ફૂટેજ પણ ચકાસ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
