Author: નોબત સમાચાર
વિદ્યાર્થીઓ સાથે અડપલા કરનાર સૈનિક સ્કૂલના બેન્ડ માસ્ટરના જામીન થયા મંજૂર
દોઢ મહિના પહેલાં નોંધાયો હતો ગુન્હોઃ
જામનગર તા. ર૬: જામનગર નજીક બાલાચડી સૈનિક સ્કૂલમાં બે વિદ્યાર્થી સાથે શારીરિક અડપલા કરનાર બેન્ડ માસ્ટરની પોલીસે ધરપકડ કરી હતી. જેલહવાલે થયેલા આ આરોપીએ જામીનમુક્ત થવા કરેલી અરજી અદાલતે મંજૂર કરી છે.
જોડિયા તાલુકાના બાલાચડીમાં આવેલી સૈનિક સ્કૂલમાં અભ્યાસ કરતા બે વિદ્યાર્થી સાથે આ શાળાના બેન્ડ માસ્ટર (શિક્ષક) પવન જગદીશચંદ્ર ડાંગીએ અણછાજતા અડપલા કરી આ બાળકોની જાતીય સતામણી કરી હતી. ગઈ તા.૯ તથા ૧૦ મેની રાત્રિએ પવન ડાંગીએ ઉપરોક્ત કૃત્ય આચર્યું હતું.
આ બાબતની વિદ્યાર્થીઓ દ્વારા પ્રિન્સીપાલને જાણ કરાતા ગઈ તા.૧ર મેના દિને પોલીસમાં ફરિયાદ કરાઈ હતી. પોલીસે આઈપીસી ૫૦૪, ૫૦૬, પોકસો એક્ટની કલમ ૮ હેઠળ ગુન્હો નોંધી પવન ડાંગીની ધરપકડ કરી હતી. જેલહવાલે થયેલા આ શખ્સે જામીનમુક્ત થવા જામનગરની ખાસ પોક્સો અદાલતમાં અરજી કરતા અદાલતે તેને રૂ. રપ હજારના જામીન પર મુક્ત કરવાનો હુકમ કર્યાે છે. આરોપી તરફથી વકીલ અશ્વિન બારડ, ધર્મેશ કનખરા, એ.એમ. સમા, રોનક જોગલ, મિતુલ મલકાણ રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
