Author: નોબત સમાચાર
જામનગરમાં ગંજીપાનાથી જુગાર રમતા છ ઝબ્બેઃ લાલપુરમાંથી બે વર્લીબાજ પકડાયા
કોટવાળ ફળી પાસે ઘોડીપાસાનો ઝડપાયો જુગારઃ
જામનગર તા. ૨૬: જામનગરના શંકરટેકરીમાં ગંજીપાના વડે જુગાર રમતા છ શખ્સને પોલીસે પકડી પાડ્યા હતા. કોટવાળ ફળી પાસે ઘોડીપાસાથી જુગાર રમતા પાંચ પકડાયા હતા. લાલપુરમાંથી બે વર્લીબાજને પોલીસે ઝડપી લીધા હતા.
જામનગરના શંકરટેકરી વિસ્તારમાં આવેલા રામનગરમાં ગઈરાત્રે જુગાર રમાતો હોવાની બાતમી પરથી સિટી સી ડિવિઝનના સર્વેલન્સ સ્ટાફે દરોડો પાડ્યો હતો. ત્યાં ગંજીપાના વડે જુગાર રમતા ટમુભા બચુભા પરમાર, વીજય અમુભાઈ સોલંકી, અશોક વસરામભાઈ ડાભી, હિતેશ કાળુભાઈ કોળી, મેઘજીભાઈ ખોડાભાઈ ચોપડા, દીપક જીતુભાઈ નાખવા નામના છ શખ્સ મળી આવ્યા હતા. પટમાંથી રૂ. ૧૦૦૩૦ રોકડા કબજે કરાયા છે.
જામનગરના શાક માર્કેટ વિસ્તારમાં આવેલી કોટવાળ ફળીમાં એક મકાન પાસે ઘોડીપાસા વડે જુગાર રમતા અજય લક્ષ્મણભાઈ પરમાર, રફીક રઝાક અગવાન, અસગર ઈબ્રાહીમ કુરેશી, ઈમ્તિયાઝ અનવર સોરઠીયા, મકસુદ હારૂન ચાકી નામના પાંચ શખ્સને દરબારગઢ પોલીસ ચોકીના સ્ટાફે પકડી લઈ રૂ. ૧૨૨૮૦ ઝબ્બે લીધા છે.
લાલપુર શહેરમાં ધરાર નગર પાસે જાહેરમાં ઉભા રહી વર્લીના આંકડા લખતા જયસુખ પાલાભાઈ ખરા તથા માર્કેટીંગ યાર્ડ સામે વર્લીનું બેટીંગ લેતાં જગદીશ મગનભાઈ સુતરીયા નામના શખ્સને પોલીસે પકડી પાડી વર્લીના આંકડા લખેલી ચિઠ્ઠીઓ કબજે કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
