Author: નોબત સમાચાર
રંગમતી પાર્કમાં બંધ મકાનમાં થઈ ચોરીઃ રોકડ, સોનાની બે વીટી ગઈ
ચાવી વડે તિજોરી ખોલી કરાઈ તસ્કરીઃ
જામનગર તા. ૨૬: જામનગરના રાજપાર્ક નજીકના રંગમતી પાર્કમાં એક આસામીના છ દિવસ બંધ પડેલા મકાનમાં ચોરી થઈ છે. તેમના મકાનમાં ઘૂસી ગયેલા તસ્કરોએ ચાવી વડે તિજોરી ખોલી નાખી તેમાંથી રૂ. ૧૫ હજાર રોકડા અને રૂ. ૧૫ હજારની સોનાની બે વીટી ઉઠાવી છે. પોલીસે ગુન્હો નોંધી તસ્કરોના સગડ દબાવ્યા છે.
જામનગરના ગુલાબનગર રોડ પર આવેલા રાજપાર્કની પાછળના રંગમતી પાર્કમાં રહેતા મિલાપ ચેતનભાઈ ચૌહાણ નામના આસામી ગઈ તા.૧૬ના દિને પોતાનું મકાન બંધ કરીને બહારગામ ગયા પછી તા.રરના દિને પરત આવ્યા હતા.
ઉપરોક્ત દિવસો દરમિયાન તેમના ઘરમાં ઘૂસી ગયેલા કોઈ તસ્કરે અંદરથી ચોરી કરી લીધી હતી. એક ઓરડામાં રાખવામાં આવેલી તિજોરી ચાવી વડે ખોલી નાખી તસ્કરોએ તેમાંથી રૂ. ૧૫ હજાર રોકડા અને સોનાની અડધા તોલાની બે વીટી મળી કુલ રૂ. ૩૦ હજારની મત્તાની ચોરી કરી લીધી હતી. મિલાપભાઈએ સિટી બી ડિવિઝન પોલીસ સ્ટેશનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
