ઓપન જામનગર ડિસ્ટ્રીકટ ટેબલ ટેનીસ ટુર્નામેન્ટ

Author: નોબત સમાચાર

ઓપન જામનગર ડિસ્ટ્રીકટ ટેબલ ટેનીસ ટુર્નામેન્ટ

જામનગરની સુમર સ્પોર્ટસ કલબમાં ૩૦ મી જૂને

જામનગર તા. ર૬: સ્પોર્ટસ ઓથોરીટી ઓફ ગુજરાત તથા ગુજરાત ટેબલ ટેનીસ એસો. દ્વારા માન્યતા ધરાવતી જામનગરની એક માત્ર સંસ્થા એવી જામનગર ડિસ્ટ્રીકટ ટેબલ ટેનિસ એસો. દ્વારા પ્રતિવર્ષની જેમ આ વર્ષે પણ અનેક જિલ્લા કક્ષાની ટુર્નામેન્ટોનું આયોજન કરી રહી છે. જે પૈકીની પ્રથમ ટુર્નામેન્ટ જૂન મહિનામાં જાહેર કરવામાં આવી છે. આગામી તા. ૩૦ જૂનના જામનગર ડિસ્ટ્રીકટ ટેનીસ એસો.દ્વારા સુમેર કલબમાં પ્રથમ ઓપન જામનગર ડિસ્ટ્રીકટ ટેબલ ટેનીસ ટુર્નામેન્ટનું આયોજન કરવામાં આવી રહ્યું છે. આ આયોજનને સફળ બનાવવા જેડીટીટીએ સંસ્થાને શહેરની ખ્યાતનામ સુમેર સ્પોર્ટસ કલબ દ્વારા સંપૂર્ણ સહયોગ મળેલ છે. જેમાં કલબ દ્વારા ટેબલ ટેનીસ ટુર્નામેન્ટ માટે તેનો કોર્ટ તથા ભાગ લેનાર ખેલાડીઓ માટે ભોજનની વ્યવસ્થા સહીત પ્રોત્સાહક ઈનામોની વ્યવસ્થા કરવામાં આવેલ છે.

ઉપરોકત ટુર્નામેન્ટમાં ભાગ લેવા સમગ્ર જિલ્લાના ખેલાડીઓ, શાળામાં અભ્યાસ કરતા અને સ્પોર્ટસમાં રૂચી રાખતા દરેક વિદ્યાર્થીઓને આમંત્રીત કરવામાં આવે છે. ભાગ લેવા માટે ખેલાડીએ આપેલ કયુઆર કોડ દ્વારા રજીસ્ટ્રેશન કરાવવાનું રહેશે. ટુર્નામેન્ટના વિજેતા ખેલાડીઓને મેડલ્સ, સર્ટીફીકેટ જેવા પ્રોત્સાહક ઈનામો આપવામાં આવશે. તેમ એસો.ના ઉદય કટારમલએ જણાવ્યું છે.

જો આપને આ પોસ્ટ ગમી હોય તો શેર કરો...