Author: નોબત સમાચાર
૧૦૦૮ સંતશ્રી ભોલેબાબાજીની ૩૮મી પુણ્યતિથિ નિમિત્તે સંતવાણી અને ભવ્ય ભંડારા સહિતના કાર્યક્રમો યોજાયા
જોડીયા સ્થિત 'રામવાડી' માં
જોડીયા તા. ૨૬: જામનગર જિલ્લાના જોડીયા ગામમાં આવેલા શ્રી ઉદાસીન સંત કુટીર રામવાડીમાં ૧૦૦૮ સદ્ગુરૂદેવશ્રી ભોલેબાબાજીની ૩૮મી પુણ્યતિથિ નિમિત્તે વિવિધ કાર્યક્રમોનું આયોજન કરવામાં આવ્યું હતું. જેમાં ગત શનિવારે સાંજે સંગીતમય સુંદરકાંડના પાઠ શ્રી જ્યોતિ સ્વરૂપ બાલા હનુમાનજી મહારાજદાદાના સન્મુખ યોજવામાં આવ્યા હતાં અને રાત્રે નારાયણ ઠાકર સહિતના કલાકારોએ સંતવાણી રજુ કરીને રંગત જમાવી હતી.
તા. ૨૩-૦૬ને રવિવારે શ્રી ભોલેબાબાજીની પુણ્યતિથિના દિવસે ઢોલ-નગારા અને ઝાલરો સાથે મહાઆરતી કરવામાં આવી હતી. ત્યારપછી બપોરે યોજાયેલા ભવ્ય ભંડારા (મહાપ્રસાદ)માં સાધુ-સંતો તથા ભાવિકોએ બહોળી સંખ્યામાં પ્રસાદ ગ્રહણ કરીને ધન્યતા અનુભવી હતી. મંદિરને લાઈટ અને પુષ્પોથી સુશોભિત કરવામાં આવ્યું હતું. આ કાર્યક્રમને સફળ બનાવવા માટે રામવાડી ગ્રુપના દરેક યુવાનો અને ભાવિકોએ જહેમત ઉઠાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
