Author: નોબત સમાચાર
ઈઝરાયેલના હવાઈ હુમલામાં હિઝબુલ્લાહ ચીફ હણાયો
સત્તાવાર પુષ્ટિ થવાનો ઈન્તેજાર
તેલઅવીવ તા. ર૮: ઈઝરાયેલ-હિઝબુલ્લાહ યુદ્ધ દરમિયાન હિઝબુલ્લાહના ચીફ હસન નસરાલ્લાહ ઈઝરાયેલના હવાઈ હુમલામાં માર્યો ગયો હોવાના અહેવાલો આવી રહ્યા છે, જો કે મૃત્યુની સત્તાવાર પુષ્ટિ થવાની બાકી છે.
ઈઝરાયેલ અને લેબનીઝ આતંકવાદી સંગઠન હિઝબુલ્લાહ વચ્ચે વર્ષોથી ચાલી રહેલ યુદ્ધ ઈઝરાયેલ-હમાસ યુદ્ધ પછી વધી ગયું છે અને છેલ્લા કેટલાક દિવસોમાં તે ઘણું ગંભીર બની ગયું છે. સોમવારે ઈઝરાયેલે હિઝબુલ્લાહને નિશાન બનાવી લેબનોન પર શ્રેણીબદ્ધ હવાઈ હુમલા કર્યા. ઈઝરાયેલી સેનાએ લેબનોનમાં ૧,૩૦૦ થી વધુ લક્ષ્યો પર હવાઈ હુમલા કર્યા, જે હિઝબુલ્લાહ પર ઈઝરાયેલનો અત્યાર સુધીનો સૌથી ખતરનાક હુમલો હતો. ત્યારથી હિઝબુલ્લાહ વિરૂદ્ધ ઈઝરાયેલની કાર્યવાહી શરૂ થઈ, જેમાં પ૦૦ થી વધુ લોકો માર્યા ગયા અને ૧૬૦૦ થી વધુ લોકો ઘાયલ થયા.
આ હુમલાઓમાં હિઝબુલ્લાહના ઘણાં આતંકવાદીઓને જાનહાનિ પણ થઈ હતી, પરંતુ શુક્રવારે ઈઝરાયેલની સેનાએ હિઝબુલ્લાહ વિરૂદ્ધ મોટી સફળતા હાંસલ કરી હતી. શુક્રવારે સાંજે ઈઝરાયેલની સેનાએ લેબનીઝ રાજધાની બેરૂતમાં હિઝબુલ્લાહના મુખ્ય મથકને નિશાન બનાવીને જોરદાર હવાઈ હુમલો કર્યો હતો. આ હુમલામાં હિઝબુલ્લાહના ઘણાં આતંકવાદીઓ અને કમાન્ડરો માર્યા ગયા. એટલું જ નહીં, હિઝબુલ્લાહના ચીફ હસન નસરાલ્લાહ માર્યા ગયાના સમાચાર પણ આવી રહ્યા છે.
ઈઝરાયેલી મીડિયા દાવો કરી રહ્યું છે કે નસરાલ્લાહનું મોત ઈઝરાયેલના હવાઈ હુમલામાં થયું છે, જો કે નસરાલ્લાહના મૃત્યુની સત્તાવાર પુષ્ટિ થવાની બાકી છે.
આ હિઝબુલ્લાહ માટે એક મોટો ફટકો અને ઈઝરાયેલ માટે મોટી સફળતા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
