Author: નોબત સમાચાર
મેઘપરમાં લાઈટ મુદ્દે બોલાચાલી કરી ત્રણ શખ્સે યુવકને લમધાર્યાે
નાસ્તાના પૈસા ન મળતા બે શખ્સે યુવાનને માર માર્યાે:
જામનગર તા. ૨૮: જામનગરના દિગ્જામ સર્કલ નજીક પુલ નીચે ઉભેલા એક યુવાન પાસે નાસ્તાના પૈસા માંગી બે શખ્સે હુમલો કરી ધમકી આપી હતી. જ્યારે મેઘપર પાસે સિક્કાના યુવાન પર લાઈટની બાબતે ઝઘડો કરી ત્રણ શખ્સે ગાળો ભાંડી ઢીકાપાટુથી માર મારી ધમકી ફટકારી હતી.
જામનગરના હનુમાન ટેકરી વિસ્તારમાં આવેલા જાગૃતિ નગર નજીકની ઝૂંપડપટ્ટીમાં રહેતા ગોપાલભાઈ ડાયાભાઈ ભાટી ગઈકાલે રાત્રે નવેક વાગ્યે દિગ્જામ સર્કલ પાસે પુલ નીચે હતા ત્યારે ત્યાં આવેલા બાવરી વાસવાળા રાહુલ જીવણ ડાભી અને રોહિત જીવણ ડાભી નામના બે શખ્સે નાસ્તા માટે પૈસા માંગ્યા હતા.
પૈસા આપવાની ગોપાલ ભાઈએ ના પાડતા ઉશ્કેરાયેલા ઉપરોક્ત બંને શખ્સે ગાળો ભાંડી હુમલો કર્યાે હતો. રાહુલે ધકકો મારી ગોપાલભાઈને પછાડી દીધા હતા. જયારે રોહિતે છરી વડે ચેકા માર્યા હતા, જાનથી મારી નાખવાની ધમકી આપી બંને શખ્સ ચાલ્યા ગયા હતા. સિટી સી ડિવિઝન પોલીસ સ્ટેશનમાં તેની ફરિયાદ કરવામાં આવી છે.
જામનગર તાલુકાના સિકકા ગામની પંચવટી સોસાયટીમાં રહેતા રાજેન્દ્રભાઈ કાંતિભાઈ કલાસવા ગુરૂવારે રાત્રે મેઘપર ગામ પાસે ટ્રાવેલ્સની એક ઓફિસ નજીક ઉભા હતા ત્યારે ત્યાં આવેલા મેઘપર ગામના મયુરસિંહ દેવુભા કંચવા, શિવરાજસિંહ કરણસિંહ કંચવા તથા પ્રિયરાજસિંહ વિજયસિંહ કંચવાએ લાઈટની બાબતે ઝઘડો કરી રાજેન્દ્રકુમાર પર હુમલો કરી ઢીકાપાટુથી માર માર્યાે હતો અને ધમકી આપી હતી. મેઘપર પોલીસ સ્ટેશનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
