Author: નોબત સમાચાર
લાલપુર બાયપાસ, દરેડ, જોગવડ તથા પડાણા પાસે પોલીસે કરી ટ્રાફિક ડ્રાઈવ
આડેધડ વાહન ચલાવતા આસામીઓ દંડાયાઃ
જામનગર તા. ૮: જામનગરના દરેડ, લાલપુર બાયપાસ, ખંભાળિયા ધોરીમાર્ગ પર જોગવડ, પડાણા તેમજ કાલાવડ શહેરમાં ગઈકાલે પોલીસે ટ્રાફિક ડ્રાઈવ દરમિયાન આડેધડ વાહન ચલાવતા નાગરિકોને પકડી પાડ્યા હતા.
જામનગરના દરેડ ગામ પાસે ગઈકાલે પોલીસ દ્વારા રાખવામાં આવેલી ટ્રાફિક ડ્રાઈવમાં હીરાભાઈ હમીરભાઈ બગડા નામનો શખ્સ ફૂલસ્પીડ માં બાઈક ચલાવતો મળી આવતા પોલીસે તેની સામે ગુન્હો નોંધ્યો છે. જ્યારે દરેડથી લાલપુર બાયપાસ તરફના રોડ પર પુરપાટ ઝડપે બોલેરો ચલાવીને જતા મૂળ ખંભાળિયા તાલુકાના મોવાણ ગામના ભીખુભાઈ આલાભાઈ ગોજીયા સામે કાર્યવાહી કરાઈ છે.
દરેડ પાસેથી હરીશ રમેશભાઈ સાદીયા નામનો શખ્સ પણ ગફલતભરી રીતે સ્કૂટર ચલાવતો મળી આવ્યો હતો.
લાલપુર બાયપાસ પાસે અન્યને અડચણ થાય તે રીતે સ્કૂટર રાખી દેનાર દિવ્યેશ કાબાભાઈ વકાતર તેમજ દરેડ પાસે મોટર મૂકી દેનાર દિલીપ નટુભાઈ કણઝારીયા સામે પણ કાર્યવાહી કરાઈ છે. જામનગર-ખંભાળિયા માર્ગ પર જોગવડ ગામના પાટીયા પાસેથી ફૂલ સ્પીડમાં છોટા હાથી ચલાવીને જતો કુલદીપસિંહ ગુલાબસિંહ રાઠોડ મળી આવ્યો હતો. જ્યારે મેઘપર ગામ પાસેથી આડેધડ રિક્ષા રાખી દેનાર ભૂપેન્દ્ર હાજાભાઈ ખરા તેમજ રોંગ સાઈડમાં મોપેડ ચલાવીને જતા દીપક શ્રીરાજેશ શાહ સામે પણ કાર્યવાહી કરાઈ છે.
કાલાવડના મુળીલા ગેઈટ પાસેથી હેમુભાઈ જેરામભાઈ દેલવાડીયા તથા જયંતીભાઈ કરમશીભાઈ વઢુકીયા, અંજુશા બશીરશા બાનવા નામના ત્રણ રિક્ષા ડ્રાઈવર આડેધડ પાર્કિંગ કરતા મળી આવ્યા હતા અને પડાણા પાટીયા પાસે નારણભાઈ નથુભાઈ ડગરાએ પોતાની ઈકો રોડ પર રાખી દેતા મેઘપર પોલીસે તેની સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
