Author: નોબત સમાચાર
સિક્કાના કારા-ભુંગામાંથી ઝડપાઈ દેશી દારૂની ભઠ્ઠીઃ સંચાલિકા નાસી છૂટી
નશાની હાલતમાં વાહન ચલાવતા બે ઝડપાયાઃ
જામનગર તા. ૮: જામનગરના સિક્કામાં આવેલા કારા ભુંગામાં એક મહિલાના મકાનમાંથી એલસીબીએ દેશી દારૂની ભઠ્ઠી પકડી પાડી છે. જ્યારે દિગ્વિજય પ્લોટ વિસ્તારમાંથી નશાની હાલતમાં બાઈક ચલાવીને જતા બે શખ્સને દબોચી લેવાયા છે.
જામનગર તાલુકાના સિક્કા ગામના કારા ભુંગા વિસ્તારમાં આવેલા રામનગર સ્થિત જેનાબેન ધનજીભાઈ ૫રમાર નામના મહિલાના મકાનમાં દારૂની ભઠ્ઠી ચલાવાતી હોવાની બાતમી પરથી ગઈકાલે સ્થાનિક ગુન્હાશોધક શાખાના સ્ટાફે દરોડો પાડ્યો હતો.
તે મકાનમાંથી ચાલુ ભઠ્ઠી મળી આવી હતી. તૈયાર દારૂ, આથો, ભઠ્ઠીના સાધનો કબજે કરવામાં આવ્યા છે. દરોડા પહેલાં નાસી ગયેલા જેનાબેનની શોધ કરાઈ રહી છે.
જામનગરના દિગ્વિજય પ્લોટ શેરી નં.૪૯માંથી ગઈકાલે સાંજે ૩૯૨૬ નંબરના મોટરસાયકલ પર જઈ રહેલા ગોકુલધામ સોસાયટીમાં રહેતા ચંદ્રશેખર રામગોપાલ કુશવાહ નામના શખ્સને પોલીસે રોકાવી ચેક કરતા આ શખ્સ નશાની હાલતમાં જણાઈ આવ્યો હતો.
જામનગરના શંકરટેકરી નજીક નહેરૂનગરમાં રહેતો વિજય મણીલાલ જોગલ નામનો શખ્સ પણ નશાની હાલતમાં જીજે-૧૦-બીકે ૨૮૫૮ નંબરનું બાઈક ચલાવીને દિગ્વિજય પ્લોટમાંથી જતો હતો ત્યારે પોલીસે તેને પકડી પાડ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
