Author: નોબત સમાચાર
બેડી વિસ્તારમાં માતા-પુત્ર પર ત્રણ મહિલા સહિત પાંચ વ્યક્તિનો હુમલો
ધ્રોલમાં દંપતી પર પિતરાઈ ભાઈ તૂટી પડ્યોઃ
જામનગર તા. ૮: જામનગરના બેડી વિસ્તારમાં માતા-પુત્ર પર પાડોશમાં જ રહેતા ત્રણ મહિલા સહિત પાંચે હુમલો કરી છરીથી ઈજા પહોંચાડી હતી. જ્યારે ધ્રોલ સ્થિત ચામુંડા પ્લોટમાં દંપતી પર પિતરાઈ ભાઈએ હુમલો કરી ગાળો ભાંડી ધમકી આપ્યાની ફરિયાદ કરવામાં આવી છે.
જામનગરના બેડી વિસ્તાર સ્થિત પંચાયતના ડેલામાં વસવાટ કરતા સાહિદહુસેન કાસમ કટીયા નામના વાઘેર યુવાનને બુધવારે બપોરે ત્યાં જ રહેતા બાલુબેન અબ્દુલ વારા, રેશ્મા વારા, અબ્બાસ વારા, હુસેના વારા, ઈમરાન નામના પાંચ વ્યક્તિએ રોકી લઈ ઝઘડો કર્યા પછી છરીથી હુમલો કર્યાે હતો. આ વેળાએ બચાવવા વચ્ચે પડેલા સાહિદહુસેનના માતાને પણ હાથમાં છરીથી ઈજા કરવામાં આવી હતી. આ વ્યક્તિઓએ જાનથી મારી નાખવાની ધમકી પણ આપી હતી. સાહિદહુસેને સિટી બી ડિવિઝન પોલીસ સ્ટેશનમાં ફરિયાદ નોંધાવી છે. ધ્રોલના ચામુંડા પ્લોટમાં રહેતા કોમલબેન દિલીપભાઈ ચાવડા નામના મહિલા તથા તેમના પતિ અને તેમના સંતાનો ગયા સોમવારે રાત્રે પોતાના ઘરે હતા ત્યારે દિલીપભાઈનો પિતરાઈ ભાઈ રાજેશ રતીલાલ ચાવડા ધસી આવ્યો હતો. આ શખ્સે કોમલબેન તથા દિલીપ ભાઈ સાથે ઝઘડો કરી ઝપાઝપી શરૂ કરી હતી. આ વેળાએ કોમલબેનને લાત મારી દેવાઈ હતી અને ગાળો ભાંડી રાજેશે જાનથી મારી નાખવાની ધમકી પણ આપી હતી. આ બાબતની ધ્રોલ પોલીસ સ્ટેશનમાં કોમલબેને નોંધાવી છે. પોલીસે ગુન્હો નોંધી આરોપીની ધરપકડ માટે તજવીજ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
