Author: નોબત સમાચાર
મોટી ખાવડી પાસે ટેઈલરના ઠાઠામાં ટ્રક ઘૂસતા ક્લિનરને થઈ ગયા ફ્રેક્ચર
થાંભલા સાથે મોટર અથડાવનાર ચાલક સામે ગુન્હોઃ
જામનગર તા. ૧૩: જામનગર-ખંભાળિયા રોડ પર આઠ મહિના પહેલાં એક ટેઈલર પાછળ ટ્રક ઘૂસી ગયો હતો. જેમાં ટેઈલરના ક્લિનરને ફ્રેક્ચર સહિતની ઈજા થઈ હતી. તેઓએ ટ્રકચાલક સામે પોલીસમાં ફરિયાદ કરી છે. મંગળવારની રાત્રે ગુરૂદ્વારા સર્કલ પાસે એક સ્કોર્પિયો વીજ થાંભલા સાથે ટકરાઈ હતી. થાંભલો પડી જતાં રૂ.૧૦ હજારનું નુકસાન કર્યાની સ્કોર્પિયો ચાલક સામે ફરિયાદ કરવામાં આવી છે.
જામનગર-ખંભાળિયા ધોરીમાર્ગ પર મોટી ખાવડી ગામ પાસે આવેલા પેટ્રોલપંપ નજીકથી ગયા ઓક્ટોબર મહિનાની ૧૦ તારીખે સવારે મૂળ ઉત્તરપ્રદેશના બરેલી જિલ્લાના નવાબગંજ ગામના મહંમદફારૂક અંસારઅહેમદ નામના યુવાન જે ટેઈલરમાં ક્લિનર તરીકે કામ કરતા હતા તેમાં જઈ રહ્યા હતા. તેમના ટેઈલરની પાછળ જીજે-૧૦-ડબલ્યુ ૫૫૮૬ નંબરનો ટ્રક ટકરાઈ પડ્યો હતો. આ અકસ્માતમાં મહંમદફારૂકને હાથ, નાક અને આંગળીમાં ફ્રેક્ચર થઈ ગયા હતા અને માથામાં ટાંકા આવ્યા હતા. સારવાર મેળવ્યા પછી મહંમદફારૂકે મેઘપર પોલીસ સ્ટેશનમાં ૫૫૮૬ નંબરના ટ્રકચાલક સામે અરવિંદ પંચાલ સામે ફરિયાદ નોંધાવી છે.
જામનગરના ગુરૂદ્વારા સર્કલ પાસે આવેલા ખુશ્બુ વાડી નામના મકાન બહાર મંગળવારની રાત્રે ત્રણેક વાગ્યે જીજે-૩૯-સીસી ૨૨ નંબરની સ્કોર્પીયો ટકરાઈ પડી હતી. આ મોટરના ચાલકે ફૂલસ્પીડમાં પોતાનું વાહન ચલાવી ત્યાં નજીકમાં આવેલા પીજીવીસીએલના થાંભલાને ટક્કર મારી હતી. જેમાં થાંભલાને રૂ.૧૦ હજારનું નુકસાન થયું હતું. વીજકર્મી દિવ્યેશ એચ. રાઠોડે સિટી બી ડિવિઝનમાં મોટરના ચાલક સામે ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
