લાલવાડી પાસેથી મોડીરાત્રે ઈંગ્લીશ દારૂના ૧૮ ચપલા સાથે બે પકડાયા

Author: નોબત સમાચાર

લાલવાડી પાસેથી મોડીરાત્રે ઈંગ્લીશ દારૂના ૧૮ ચપલા સાથે બે પકડાયા

કપુરડી, ભાટીયા, જામપરમાંથી દારૂ મળ્યોઃ

જામનગર તા. ૧૩: જામનગરના લાલવાડી વિસ્તાર પાસેથી બે શખ્સ ગઈરાત્રે ઈંગ્લીશ દારૂના ૧૮ ચપલા સાથે ઝડપાયા છે. ભાણવડના કપુરડી ગામ પાસે એલસીબીએ મોટરમાંથી પ૯ બોટલ દારૂ કબજે લીધો છે. ભાટીયા તથા જામપર ગામમાંથી બે શખ્સ બોટલ સાથે પકડાઈ ગયા છે.

જામનગરના લાલવાડી વિસ્તારમાં આવેલા કાનાનગર પાછળ પુષ્પમ એપાર્ટમેન્ટવાળી શેરીમાંથી ગઈરાત્રે પસાર થતાં દિ. પ્લોટ-પ૪માં વિશ્રામ વાડી પાસે રહેતા ક્રિષ્ના મહેન્દ્રભાઈ ગોરી ઉર્ફે એક્કા તથા ભવ્ય મહેશભાઈ ગોરી ઉર્ફે ભલા નામના બે શખ્સને પોલીસે રોકાવી તલાશી લેતા આ શખ્સો પાસેથી ઈંગ્લીશ દારૂના ૧૮ ચપલા મળી આવ્યા હતા. પોલીસે બંને સામે ગુન્હો નોંધ્યો છે.

ભાણવડ તાલુકાના કપુરડી ગામ પાસેથી ગઈકાલે પસાર થતી જીજે-૩-કેએચ ૫૦૬૭ નંબરની જીપ કંપનીની કંપાસ મોટરને પેટ્રોલિંગમાં રહેલા દ્વારકા એલસીબીના સ્ટાફે રોકાવી ચેક કરતા તેમાંથી જામજોધપુર તાલુકાના આંબરડી ગામનો અર્જુન ભીમાભાઈ કોટા નામનો શખ્સ ઈંગ્લીશ દારૂની પ૯ બોટલ સાથે મળી આવ્યો હતો. એલસીબીએ મોટર તથા દારૂનો જથ્થો કબજે કરી પૂછપરછ કરતા અર્જુને પોતાના સાગરિત રાણાવાવના સાજણવાડાનેસના રહેવાસી રૂડા ઉલવા રબારીનું નામ આપ્યું છે.

કલ્યાણપુર તાલુકાના ભાટીયા ગામના યોગેશ હેમતભાઈ પરમાર નાના શખ્સને પોલીસે ઈંગ્લીશ દારૂની એક બોટલ સાથે દબોચી લીધો છે.

કલ્યાણપુરના જામપર ગામના અમરસિંગ કેમતા ડાવર નામના મૂળ મધ્યપ્રદેશના શખ્સને પણ દારૂની બોટલ સાથે ભાડથર ગામના રોડ પરથી પોલીસે પકડ્યો છે.

જો આપને આ પોસ્ટ ગમી હોય તો શેર કરો...