Author: નોબત સમાચાર
અગાઉ હાથઉછીની લીધેલી રકમ પરત આપી દીધા પછી યુવાન પર ત્રણ શખ્સે કર્યો હુમલો
ખોડિયાર કોલોની શાકમાર્કેટમાં બોલી બઘડાટીઃ
જામનગર તા. ૨૩: જામનગરના ખોડિયાર કોલોની વિસ્તાર સામે આવેલી શાક માર્કેટમાં ગઇકાલે બપોરે એક યુવાન પર ત્રણ શખ્સે છરી, ઢીકા-પાટુથી હુમલો કરી માર માર્યો હતો. એક શખસ પાસે હાથઉછીની મેળવેલી રૂપિયા ૨૫,૦૦૦ની રકમ પરત આપી દીધા પછી બંન્ને શખ્સ વચ્ચે થયેલી બોલાચાલીના ખારના કારણે હુમલો થયાનું પોલીસ ફરિયાદમાં જણાવાયું છે.
જામનગર-ખંભાળિયા ધોરીમાર્ગ પર આવેલા નાઘેડી ગામમાં બંસી બંગલા પાસે વસવાટ કરતાં ધર્મેન્દ્રસિંહ પ્રાગજી રાઠોડ નામના યુવાને બે મહિના પહેલાં શંકરટેકરીમાં રહેતાં નિતીન સિંગરખીયા પાસેથી રૂપિયા ૨૫,૦૦૦ હાથઉછીના લીધા હતાં. તે રકમ પરત આપ્યા પછી બન્ને વચ્ચે પૈસા બાબતે બોલાચાલી થઇ હતી.
તેનો ખાર રાખી ગઇકાલે બપોરે ખોડિયાર કોલોની સામે આવેલી શાક માર્કેટ નજીક રાહ જોઇ ઉભેલા ધર્મેન્દ્રસિંહ સાથે નિતીન તેમજ હાર્દિક ડાંગર અને ઇરફાન નામના ત્રણ શખ્સે ઝઘડો કર્યા પછી નિતીને માથામાં છરીની મુઠ ફટકારી હતી તે પછી હાર્દિકે ખંભામાં છરી હુલાવી દીધી હતી અને ઇરફાને ઢીકા-પાટુથી માર માર્યો હતો. ત્રણેય શખ્સે ગાળો ભાંડી પોલીસમાં ફરિયાદ ન કરવા માટે ધર્મેન્દ્રસિંહને ધમકી આપી હતી. સિટી સી પોલીસ સ્ટેશનમાં ત્રણેય શખ્સ સામે ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
