Author: નોબત સમાચાર
મેઘપરમાં રવિવારે મેદાનમાંથી અજાણ્યા યુવાનનો મળ્યો મૃતદેહઃ પોલીસ દ્વારા તપાસ
સુરજકરાડીમાં બેંકમાં બેભાન બનેલા વૃદ્ધનુ મૃત્યુઃ
જામનગર તા. ૨૩: જામનગરના ખોડિયાર કોલોની વિસ્તાર સામે આવેલી શાક માર્કેટમાં ગઇકાલે બપોરે એક યુવાન પર ત્રણ શખ્સે છરી, ઢીકા-પાટુથી હુમલો કરી માર માર્યો હતો. એક શખસ પાસે હાથઉછીની મેળવેલી રૂપિયા ૨૫,૦૦૦ની રકમ પરત આપી દીધા પછી બંન્ને શખ્સ વચ્ચે થયેલી બોલાચાલીના ખારના કારણે હુમલો થયાનું પોલીસ ફરિયાદમાં જણાવાયું છે.
જામનગર-ખંભાળિયા ધોરીમાર્ગ પર આવેલા મેઘપર ગામ સામે રવિવારી મેદાન પાસેથી ગઇકાલે સવારે ત્રીસેક વર્ષની વયના લાગતાં એક અજાણ્યા યુવાન બેભાન જેવી હાલતમાં મળી આવતાં મેઘપર ગામના હેમતસિંહ લાભુભા જાડેજાએ પોલીસને જાણ કરી હતી. દોડી આવેલી પોલીસે આ યુવાનને ચકાસતા તેઓ મૃત્યુ પામેલા જણાઇ આવ્યા હતાં. પોલીસે મૃતદેહનો કબ્જો સંભાળી મૃતકની ઓળખ મેળવવા તપાસ શરૂ કરી છે.
દેવભૂમિ દ્વારકા જિલ્લાના મીઠાપુર નજીક આવેલા સુરજકરાડીમાં સ્ટેટ બેંક ઓફ ઇન્ડિયામાં શાખામાં કામસર રાજકોટ જિલ્લાના ધોરાજીમાં રહેતાં કયુમભાઇ યુનુસભાઇ સિપાઇ (ઉ.વ. ૬૦) નામના વૃદ્ધ આવ્યા હતાં. તેઓ બેંકની શાખાના ઉપરના માળે હતા ત્યારે કોઇ રીતે બેભાન બની ઢળી પડતાં તેઓને દવાખાને લઇ જવામાં આવ્યા હતાં. આ વૃદ્ધનું મૃત્યુ નિપજયાનું દ્વારકાના તબિબે જાહેર કર્યુ છે. ઓખામાં વસવાટ કરતાં જાફર આરીફભાઇએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
