Author: નોબત સમાચાર
પરેડ મેદાનમાંથી ન નીકળવાનું કહેતા પોલીસકર્મીની ફરજમાં રૂકાવટ
ભોપલકા ગામના શખ્સ સામે કાર્યવાહી :
જામનગર તા. ૨૩: ખંભાળીયામાં આવેલા પોલીસ પરેડ મેદાનમાં ગુરૂવારે સવારે ચાલી રહેલી પરેડ દરમ્યાન મેદાનમાંથી એ શખ્સ મોટર સાયકલ લઈને નીકળતા તેને એક પોલીસ કર્મચારીએ ટપાર્યો હતો. આ શખ્સે પોલીસ કર્મચારીને ગાળો ભાંડી ધમકી આપતા તેની સામે ફરજમાં રૂકાવટનો ગુન્હો નોંધાવવામાં આવ્યો છે.
દેવભૂમિ દ્વારકા જિલ્લાના મુખ્યમથક ખંભાળીયામાં આવેલા પોલીસ પરેડ મેદાનમાં ગયા ગુરૂવારે સવારે પોલીસ સ્ટાફ દ્વારા પરેડ યોજવામાં આવી હતી. તે દરમ્યાન મેદાનમાંથી જીજે-૩૭-પી-૯૨૯૩ નંબરનું મોટરસાયકલ લઈને ખંભાળીયા તાલુકાના જુના લખીયા ગામનો સંજય લાખાભાઈ કરમુર નામનો શખ્સ પસાર થયો હતો.
આ વેળાએ ત્યાં પરેડ કરી રહેલા કલ્યાણપુર તાલુકાના ભોપલકા ગામના રહેવાસી અને પોલીસ તંત્રમાં જમાદારની ફરજ બજાવતા છત્રપાલસિંહ અનિરૂદ્ધસિંહ જાડેજાએ તેને ત્યાંથી ન નીકળવા માટે કહેતા સંજય કરમુર ઉશ્કેરાયો હતો.
આ શખ્સે જમાદાર છત્રપાલસિંહ પોલીસ કર્મચારીઓ સાથે બોલાચાલી કરી ગાળો ભાંડયા પછી ધમકી આપવા ઉપરાંત ફરજમાં રૂકાવટ કરતા છત્રપાલસિંહે તેની સામે ખંભાળીયા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
