Author: નોબત સમાચાર
ચેલા પાસે ધમધમતી દેશી દારૂની ભઠ્ઠી ઝડપાઈઃ આથો, તૈયાર દારૂ, સાધનો કબજે
અન્ય બે દરોડામાં ઈંગ્લીશ સાથે બે પકડાયાઃ
જામનગર તા.૩૦ : કાલાવડમાંથી એક શખ્સ અને મેઘપર પાસેથી અન્ય એક શખ્સ ઈંગ્લીશ દારૂની બોટલ સાથે ઝડપાયા છે. ચેલા ગામ પાસેથી એક શખ્સની દેશી દારૂ બનાવતી ભઠ્ઠી પકડાઈ ગઈ છે. ત્યાંથી આથો, તૈયાર દારૂ, ભઠ્ઠીના સાધનો કબજે કરવામાં આવ્યા છે.
કાલાવડના ધોરાજી રોડ પર આવેલી શાકમાર્કેટ નજીકથી શનિવારે રાત્રે પસાર થઈ રહેલા કાલાવડના ઉદય ભાવેશભાઈ ફાચરા નામના શખ્સને શકના આધારે રોકાવી પોલીસે ચેક કરતા તેની પાસેથી દારૂની એક બોટલ મળી આવી હતી. પોલીસે બોટલ કબજે કરી ઉદય ની ધરપકડ કરી છે.
જામનગર-ખંભાળિયા રોડ પર મેઘપર ગામ પાસેથી ગઈકાલે સાંજે મૂળ ભાટીયાના વતની અને હાલમાં મેઘપરમાં વાડી વિસ્તારમાં રહેતા કાના નથુભાઈ ભોચીયા નામના શખ્સને રોકાવી પોલીસે તલાશી લીધી હતી. આ શખ્સ પાસેથી દારૂની બોટલ મળી આવી છે.
જામનગર તાલુકાના ચેલા ગામમાં રંગમતી નદીના કાંઠા પાસે શનિવારે પંચકોશી બી ડિવિઝન પોલીસ સ્ટેશનના સ્ટાફે પૂર્વ બાતમીના આધારે દરોડો પાડતા ત્યાંથી ચેલા ગામના વિજયસિંહ નવલસિંહ કેર ઉર્ફે વિજુભા નામના શખ્સની દેશી દારૂની ભઠ્ઠી મળી આવી છે. સ્થળ પરથી ૬૦૦ લીટર આથો, ૨૧૬ લીટર તૈયાર દારૂ, ભઠ્ઠીના સાધનો કબજે કરી પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
