Author: નોબત સમાચાર
શંકરટેકરીમાં ગંજીપાના વડે જુગાર રમતા બાર પરપ્રાંતીય શખ્સ પકડાયા
ભાટીયામાંથી છ પત્તાપ્રેમીની ધરપકડઃ
જામનગર તા.૧૦ : જામનગરના શંકરટેકરી વિસ્તારમાં આવેલા બજરંગ ચોકમાં ગઈરાત્રે ગંજીપાનાથી જુગાર રમતા બાર પરપ્રાંતીય શખ્સને પોલીસે દરોડો પાડી ઝડપી લીધા હતા. પટમાંથી રૂા.૨૨,૬૦૦ રોકડા કબજે કરાયા હતા. ભાટીયામાં તીન પત્તી રમતા છ શખ્સને પોલીસે રૂા.૧૦,૪૭૦ સાથે પકડી લીધા હતા.
જામનગરના શંકરટેકરી વિસ્તારમાં આવેલા બજરંગ ચોકમાં ગઈકાલે રાત્રે ગંજીપાના વડે જુગાર રમી રહેલા વિજય રમેશચંંદ્ર પાંડે, કૃષ્ણમુરારી બાબુરામ કુશવાહ, રણજીત સિંગ શ્રીનાથુસિંગ રાજપૂત, દીપેશસિંગ રવિન્દ્રસિંગ રાજપૂત, ગોરખસિંગ જશવંતસિંગ રાજપૂત, મેઘનાથ રઘુવીરસિંગ પરિહાર અને નવાબસિંગ રઘુવીરસિંગ પરિવાર, રાજુસિંગ નવલસિંગ રાજપૂત, ગ્રિજેશકુમાર સુંદરલાલ કઠેરીયા, બંટીસિંગ દુર્જનસિંગ પરિવાર, સંતોષસિંગ કરણસિંગ રાજપૂત, માધવસિંગ મોકમસિંગ કુશવાહ નામના બાર શખ્સ પોલીસના દરોડામાં ઝડપાઈ ગયા હતા.
પોલીસે પટમાંથી રૂા.૨૨૬૦૦ રોકડા અને ગંજીપાના કબજે કરી તમામ સામે જુગારધારાની કલમ ૧૨ હેઠળ ગુન્હો નોંધ્યો છે.
દેવભૂમિ દ્વારકા જિલ્લાના ભાટીયામાં ગઈકાલે સાંજે તીનપત્તી રમતા અશોક જેઠાભાઈ મકવાણા, દેવશીભાઈ કારાભાઈ મકવાણા, દેવશીભાઈ દેસાભાઈ પારીયા, જેઠાભાઈ પાલાભાઈ મકવાણા, માલુભાઈ મેઘાભાઈ માતંગ, પીઠાભાઈ પાલાભાઈ મકવાણા નામના છ શખ્સ પોલીસના સકંજામાં આવી ગયા હતા. પટમાંથી રૂા.૧૦,૪૭૦ કબજે કરવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (15)_copy_800x441~3.jpeg)
