Author: નોબત સમાચાર
લતીપર પાસે મોટરમાં આગ ભભૂકી મોરબીના દંપતીનો આબાદ બચાવ
મોટર સર્વિસમાં મુકવા આવતા હતાઃ
જામનગર તા.૧૦ : ધ્રોલના લતીપર ગામ પાસે બુધવારે બપોરે એક મોટરમાં ટેકનિકલ ક્ષતિના કારણે ધુમાડા નીકળ્યા હતા. આ વેળાએ મોટરમાં રહેલા મોરબીના રવાપરના દંપતી અને તેમની પુત્રી નીચે ઉતરી ગયા પછી મોટરમાં આગ ભભૂકી ઉઠી હતી બનાવની પોલીસને જાણ કરાઈ છે. ફાયરબ્રિગેડની ટૂકડી દોડી ગઈ હતી.
ધ્રોલથી ટંકારા વચ્ચેના ધોરીમાર્ગ પર આવેલા લતીપર (લાલપર) ગામ પાસેથી બુધવારે બપોરે ત્રણેક વાગ્યે જીજે-૩૬-એસી ૪૫૭૦ નંબરની મારૂતી સૂઝુકી કંપનીની એસક્રોસ મોટર લઈને મોરબી ના રવાપર ગામના રવિભાઈ ચંદુભાઈ ઓધવીયા નામના આસામી જામનગર તરફ આવતા હતા.
તેઓની મોટર જામનગરથી સર્વિસમાં મુકવાની હોવાથી મોટર મુકવા આવી રહેલા રવિભાઈ સાથે તેમના પત્ની રવિનાબેન અને અઢી વર્ષની પુત્રી સાથે હતા. તેઓની મોટરમાં લતીપર પાસે ધુમાડો નીકળવા લાગતા રવિભાઈ અને તેમના પત્ની, પુત્રી મોટરમાંથી ઉતરી ગયા હતા. તે પછી બોનેટ ખોલવામાં આવતા મોટર સળગી ઉઠી હતી અને જોતજોતામાં સળગીને ખાખ થઈ ગઈ હતી.
આ બાબતની ધ્રોલ પોલીસ સ્ટેશનમાં રવિભાઈએ જાણ કરી છે. આગ લાગ્યાની વિગત મળતા ધ્રોલથી ફાયરબ્રિગેડની ટૂકડી દોડી ગઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (15)_copy_800x441~3.jpeg)
