Author: નોબત સમાચાર
જળ શકિત અભિયાનના અમલીકરણ અંગેની બેઠક
ખંભાળિયા તા. ૧૯: કલેકટરની અધ્યક્ષતામાં દેવભૂમિ દ્વારકા જિલ્લામાં જળ શકિત અભિયાનના અમલીકરણ અંગેની બેઠક યોજાઈ હતી.
જળ શક્તિ અભિયાન, કેચ ધ રેઈન ૨.૦, સુજલામ સુફલામ જળ અભિયાન ૨૦૨૫ના દેવભૂમિ દ્વારકા જિલ્લામાં અમલીકરણ અંગેની બેઠક જિલ્લા સેવા સદન ખાતે કલેક્ટરશ્રી રાજેશ તન્નાની અધ્યક્ષતામાં યોજાઈ હતી. જેમાં કલેક્ટરે નિયમિતપણે તાલુકા પાણી સમિતિની બેઠકો યોજીવા સૂચના આપી હતી. ઉપરાંત સુજલામ સુફલામ જળ અભિયાન ૨૦૨૫ અંતર્ગત માસ્ટરપ્લાન આગળ વધારવા અને સૂચિત કામો માટે પૂર્વ તૈયારીઓ સુનિશ્ચિત કરવા માટે ચર્ચા કરી હતી.
આ ઉપરાંત કેચ ધ રેઈન ૨.૦ અભિયાન અંતર્ગત વિવિધ જગ્યાઓએ રેઈન વોટર હાર્વેસ્ટિંગ માટેના કામોના આયોજન માટે ચર્ચા કરવામાં આવી હતી. કલેક્ટરે જિલ્લાના વધુમાં વધુ ભવનોમાં રેઈન વોટર રિચાર્જ અંગેની સુવિધા સુનિશ્ચિત કરવા અપીલ કરી હતી. વધુમાં કલેક્ટરે હીટવેવ અને ગરમીની ઋતુમાં લોકોને તકલીફ ન પડે તે માટે પાણીને લગતી ફરિયાદો નું તાત્કાલિક નિવારણ થાય તે જોવા પાણી સમિતિને તાકીદ કરી હતી. સાથે સાથે બપોરના સમયમાં મજૂરોને તડકામાં કામ ન કરાવવામાં આવે તે જોવા અને પાણી તેમજ છાંયડો મળે તે જોવા તાકીદ કરી હતી.
બેઠકમાં નિવાસી અધિક કલેક્ટર ભૂપેશ જોટાણીયા તેમજ સમિતિના સભ્યો ઉપસ્થિત રહૃાાં હતાં, તાલુકા કક્ષાએથી અધિકારીઓ વીડિયો કોન્ફરન્સના માધ્યમથી જોડાયા હતાં. બેઠકના અંતે પોષણ માસ ઉજવણી અંતર્ગત ઉપસ્થિત તમામે કુપોષણ નિવારણ માટેના શપથ લીધાં હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
