Author: નોબત સમાચાર
જેઈઈ મેન્સ સેશન-ર નું પરિણામ જાહેરઃ ૨૪ વિદ્યાર્થીઓને મળ્યા ૧૦૦ પર્સેન્ટાઈલ
૧૦૦ પર્સેન્ટાઈલ મેળવનારા વિદ્યાર્થીઓમાં ગુજરાતનાં બે વિદ્યાર્થીઓનો સમાવેશ
નવી દિલ્હી તા. ૧૯: જેઈઈ મેન્સ સેશન-ર નું પરિણામ જાહરે થયું છે. જેમાં ર૪ વિદ્યાર્થીઓએ ૧૦૦ પર્સેન્ટાઈલ મેળવ્યા જેમાં ગુજરાતના ર અને રાજસ્થાનના સૌથી વધુ ૭ વિદ્યાર્થીઓએ બાજી મારી છે.
નેશનલ ટેસ્ટિંગ એજન્સી (એનટીએ) એ શુક્રવારે મોડી રાત્રે એન્જિનિયરીંગ કોલેજમાં પ્રવેશ માટે લેવામાં આવેલી જોઈન્ટ એન્ટ્રેસ એક્ઝામિનેશન (જેઈઈ) મેઈન-ર૦રપ ના બીજા તબક્કાનું પરિણામ જાહેર કર્યુ. જેઈઈ મુખ્ય સત્ર એક અને બીજા સત્રની પરીક્ષામાં કુલ ર૪ ઉમેદવારોએ ૧૦૦ પર્સન્ટાઈલ મેળવ્યા છે. જેમાં રાજસ્થાનના ઓમપ્રકાશ બેહેરે, સક્ષમ જિંદાલ, અર્ણવસિંહ, રજિત ગુપ્તા, મોહમ્મદ અનસ, આયુષ સિંઘલ અને લક્ષ્ય શર્માએ ટોપ પર છે. જ્યારે ગુજરાતના શિવેદન વિકાસ તોષનીવાલ અને અદિત પ્રકાશ ભગડે ૧૦૦ પર્સન્ટાઈલ મેળવ્યા છે. ગુજરાતમાં શિવેન વિકાસ તોસનીવાલ અને આદિત પ્રકાશ ભગડેએ ૧૦૦ પર્સન્ટાઈલ રેન્ક મેળવીને ટોપ કર્યુ હતું.
જેઈઈ એડવાન્સ્ડ માટે કેટેગરી મુજબ કટ-ઓફ જાહેર કરાયા છે. નેશનલ ટેસ્ટીંગ એજન્સીએ જોઈન્ટ એન્ટ્રેસ એક્ઝામ એડવાન્સ માટે ટોચના ર.પ લાખ ઉમેદવારોને ક્વોલિફાઈડ કર્યા છે. ગયા વર્ષની સરખામણીમાં જનરલ, ઓબીસી અને ઈડબલ્યુએસ વિદ્યાર્થીઓ માટેનો કટ-ઓફ નજીવો ઘટ્યો છે, જ્યારે એસસી અને એસટી શ્રેણીના વિદ્યાર્થીઓ માટેનો કટઓફ ગયા વર્ષની સરખામણીમાં લગભગ ૧ ટકા વધારે છે.
પહેલા સત્રમાં ૧૪ વિદ્યાર્થીઓએ ૧૦૦ પર્સન્ટાઈલ મેળવ્યા હતાં. ર૪ ઉમેદવારોમાંથી, ૭ રાજસ્થાનના, ૩-૩ મહારાષ્ટ્ર, તેલંગણા અને યુપીના, ર-ર પશ્ચિમ બંગાળ, ગુજરાત અને દિલ્હીના છે. એક-એક કર્ણાટક અને આંધ્રપ્રદેશનો છે. ૧૦૦ પર્સન્ટાઈલ મેળવનારાઓમાં ર૧ ઉમેદવારો સામાન્ય શ્રેણીના છે. ત્યાં જ ઈડબલ્યુએસ, ઓબીસી (નોન ક્રીમીલેયર), એસસી શ્રેણીમાંથી એક-એક ઉમેદવારે ૧૦૦ પર્સન્ટાઈલ મેળવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
