Author: નોબત સમાચાર
જામનગરમાં ચાર સ્થળેથી ઈંગ્લીશ દારૂની નાની મોટી ૨૩૭ બોટલ ઝડપાઈ
જામનગર તા.૧૯ : જામનગરના સુભાષપરામાં આવેલા બે મકાનમાં ગઈકાલે એલસીબીએ દરોડા પાડી અનુક્રમે ઈંગ્લીશ દારૂના ૧૩૪ તથા ૪૨ ચપલા પકડી પાડ્યા છે. જ્યારે બેડીનાકા નજીક ભંગાર બજાર રોડ પર એક મકાનમાંથી દારૂની ૩૧ બોટલ મળી આવી છે. પીઠડનગરમાં મકાનમાંથી ઈંગ્લીશની ૩૦ બોટલ સાંપડી છે અને એક ઈમારતની ગેલેરીમાંથી બે બોટલ સાથે એક પકડાયો છે.
જામનગરના શંકરટેકરી વિસ્તારમાં આવેલા સુભાષ પરાની શેરી નં.૨માં એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી એલસીબીના કાસમ બ્લોચ, હિતેન્દ્રસિંહ, મયુરસિંહને મળતા ગઈકાલે રાત્રે પીઆઈ વી.એમ. લગારીયાની સૂચનાથી એલસીબી સ્ટાફે વેરશીભાઈ રમેશભાઈ ચૌહાણ ઉર્ફે મુન્ના ના મકાનમાં દરોડો પાડી તલાશી લીધી હતી.
ત્યાંથી ઈંગ્લીશ દારૂના ૧૩૪ ચપલા મળી આવ્યા હતા. એલસીબીએ ચપલા તથા એક મોબાઈલ સાથે વેરશી ચૌહાણની અટકાયત કરી છે. તેની સામે સિટી સી ડિવિઝનમાં ગુન્હો રજીસ્ટર કરાવાયો છે.
ઉપરોક્ત દરોડા પછી શેરી નં.રમાં જ રોહિત ચંદુભાઈ લીંબડ ઉર્ફે કાના નામના શખ્સના મકાનમાં એલસીબી સ્ટાફે દરોડો પાડી ઈંગ્લીશ દારૂના બે બ્રાંડના ૪૨ ચપલા કબજે કર્યા છે. રોહિત લીંબડ ની પૂછપરછ કરવામાં આવતા તેણે પોતાના સાગરિત આફ્રિદી મહેબુબ દરજાદાનું નામ આપ્યું છે.
જામનગરના બેડીનાકા પાસે ભંગાર બજાર રોડ પર જાહેર શૌચાલય સામે જગા કચરાભાઈ કોળીના મકાનમાં પણ વેચાણ માટે દારૂનો જથ્થો રાખવામાં આવ્યો હોવાની બાતમી એલસીબીના ધર્મેન્દ્ર સિંહ, ઘનશ્યામભાઈને મળતા ગઈકાલે એલસીબી સ્ટાફે જગા કોળીના મકાનમાં દરોડો પાડી ઈંગ્લીશ દારૂની ૩૧ બોટલ કબજે કરી છે. દરોડા વખતે આરોપી હાજર ન હોવાથી તેની શોધ કરાઈ છે.
જામનગરના સિટી આર્કેડ બિલ્ડીંગના ત્રીજા માળે ગેલેરીમાં ગઈકાલે સાંજે નવાગામ ઘેડમાં મધુવન સોસાયટીમાં રહેતા મોહિત જીતેન્દ્રસિંહ સોલંકી નામના શખ્સને પૂર્વ બાતમીના આધારે રોકી પોલીસે ચેક કરતા તેની બેગમાંથી ઈંગ્લીશ દારૂની બે બોટલ મળી આવી હતી.
જામનગરના મયુરનગર આવાસ પાછળ પીઠડનગરમાં રહેતા રવિ ખેતશીભાઈ રૂડાચ નામના શખ્સના મકાનમાં ગઈ કાલે એલસીબી સ્ટાફે બાતમી મળતા દરોડો પાડી ઈંગ્લીશ દારૂની ૩૦ બોટલ કબજે કરી છે. બોટલ, મોબાઈલ મળી રૂ.૨૨,૧૦૮નો મુદ્દામાલ ઝબ્બે લેવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
