Author: નોબત સમાચાર
એસઓજીના નામે વેપારીઓને દબાવી પૈસા પડાવતો શખ્સ ઝબ્બે
મુંબઈમાંથી દબોચી લેવાયોઃ
જામનગર તા.૧૯: દેવભૂમિ દ્વારકા જિલ્લાના કેટલાક મેડિકલધારકો તથા દુકાનદારોને એસઓજીના કર્મચારી હોવાની ધાક બતાવી દબાવાતા હોવાની ઉઠેલી બૂમ વચ્ચે એક વેપારી પાસેથી રૂ.૬ હજાર પડાવી લેવાયાની ફરિયાદ થઈ હતી. આ ગુન્હામાં સાયબર ક્રાઈમ પોલીસે એક શખ્સને દબોચ્યો છે.
દેવભૂમિ દ્વારકા જિલ્લામાં કેટલાક દુકાનદારો અને મેડિકલ ચલાવતા આસામી પાસે જઈ તેઓને એસઓજી ના કર્મચારીની ઓળખ આપી ખોટા કેસમાં ફસાવી પૈસા પડાવતા શખ્સો અંગે બુમ ઉઠ્યા પછી દ્વારકા સાયબર ક્રાઈમ પોલીસ સ્ટેશનના સ્ટાફે તપાસ શરૂ કરી હતી.
તે દરમિયાન નિર્મલ શંકરસન બેહેરા નામના આસામીએ ફરિયાદ નોંધાવી તેમાં જણાવ્યું હતું કે, ગઈ તા.૨૦ના દિને એસઓજી પોલીસ કર્મચારી હોવાનું કહી એક શખ્સે રૂ.૧ લાખની માગણી કરી રૂ.૬ હજાર ઓનલાઈન પડાવી લીધા છે.
ઉપરોક્ત ગુન્હાની તપાસમાં સાયબર ક્રાઈમના પીઆઈ વી.કે. કોઠીયા તથા સ્ટાફે આ શખ્સના સગડ દબાવી સલાયાના ખ્વાજા નગરમાં રહેતા શબ્બીરહુસેન હારૂન ભગાડ નામના શખ્સની મુંબઈમાંથી અટકાયત કરી લીધી છે. આ શખ્સની હાથ ધરાયેલી પૂછપરછમાં વર્ષ ૨૦૧૭માં દુષ્કર્મના એક ગુન્હામાં આ આરોપી સંડોવાયેલો હોવાનું ખૂલ્યું છે.
ધો.૩ સુધી અભ્યાસ કરનાર આ શખ્સે કેટલાક દુકાનદાર તથા મેડિકલધારકો ને ફોન કરી આવી રીતે પોલીસના નામે પૈસા પડાવવા માટે ગુગલ સર્ચમાંથી ફોન નંબર શોધી કાઢી કૌભાંડ આચર્યાની અને મની ટ્રાન્સફર કરતા વ્યક્તિઓના ક્યુઆર કોડ મેળવી તેમાં પૈસા ટ્રાન્સફર કરાવ્યાની કબૂલાત આપી છે. આ શખ્સ સામે મીઠાપુર, કલ્યાણપુર, ખંભાળિયા, સલાયા તેમજ જામનગરના સિટી એ અને સી ડિવિઝનમાં જુદા જુદા સમયે કુલ ૯ ગુન્હા નોંધાયેલા છે. આ શખ્સ પાસેથી રૂ.૧૦૨૦૦ રોકડા તથા ત્રણ સીમકાર્ડ કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
