Author: નોબત સમાચાર
ધ્રાફાની સીમમાં શેઢા પાડોશીને ત્યાંથી નીકળવાની મનાઈ કરી પિતા-પુત્ર દ્વારા હુમલો
બહેન રિસામણે આવતા ભાઈ પર ત્રણ શખ્સ તૂટી પડ્યાઃ
જામનગર તા. ર૭: જામનગરના ગુલાબનગરમાં શનિવારની રાત્રે એક યુવાન પર તેના બહેન રિસામણે આવ્યા હોવાનો ખાર રાખી ત્રણ શખ્સે ધોકાથી હુમલો કરી માર માર્યાે હતો. જામજોધપુરના ધ્રાફાની સીમમાં એક યુવાન પર ત્યાંથી નીકળવાની ના પાડી પિતા-પુત્ર તૂટી પડ્યા હતા.
જામનગરના ગુલાબનગર પાસે આવેલા હુસેની ચોકમાં શનિવારની રાત્રે સમીર ઈસમાઈલ ગજીયા અને અરબાઝ નામના યુવાનો બેઠા હતા ત્યારે ત્યાં આવેલા અમીર હુસેન, આમીન, ફારૂક નામના ત્રણ શખ્સે બોલાચાલી શરૂ કરી હતી.
એકાદ મહિના પહેલાં સમીરની બહેન પોતાના પિયર રિસામણે આવી હતી. તે બાબતે અમીર હુસેને ઝઘડો કરી મારામારી કરી હતી. ફારૂકે પાછળથી આવી સમીરને પકડી રાખ્યો હતો અને આમીન તથા અમીર હુસેને ધોકાથી હુમલો કરી ગાળો ભાંડી જાનથી મારી નાખવાની ધમકી આપી હતી.
જામજોધપુર તાલુકાના કોટડા બાવીસી ગામના કેવીન ગોરધનભાઈ કંટારીયા અને દિનેશ નામના વ્યક્તિ રવિવારે સવારે ધ્રાફા ગામની સીમમાં લાખણગઢ વાડી વિસ્તાર પાસેથી પોતાના ખેતરે જતા હતા ત્યારે શેઢા પાડોશી ધના ભાઈ આહિરે ત્યાંથી નીકળવા માટે ના પાડી હતી. તેમ છતાં ટ્રેક્ટર સાથે ત્યાંથી કેવીન પસાર થતાં તેના પર ધના આહિર અને તેના પુત્ર જગદીશ ધનાભાઈએ પથ્થર તેમજ લોખંડના દાતાવાળા સણાથાથી હુમલો કર્યાે હતો. કેવીને ટ્રેક્ટર મૂકી દોટ કાઢી હતી તેની પાછળ દોડી પિતા, પુત્રએ ગાળો ભાંડી હતી. શેઠ વડાળા પોલીસ સ્ટેશનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (17)_copy_800x449~4.jpeg)
