Author: નોબત સમાચાર
મરીન નેશનલ પાર્કમાં જબરદસ્તીથી ઘૂસી ગયેલા શખ્સે કર્મચારીને આપી ધમકી
ઢોર ડબ્બામાં પૂરી દેવાના મામલે બોલી બઘડાટીઃ
જામનગર તા. ર૭: જામનગરના ખીજડિયા પક્ષી અભયારણ્યમાં ફરજ બજાવતા એક મહિલા કર્મચારી સહિતનો સ્ટાફ ગઈકાલે ફરજ પર હતો ત્યારે હાપા ખારીનો એક શખ્સ અમારા ઢોર તમારા ડબ્બામાં કેમ પુરી દીધા છે? તેમ પુછીને જબરદસ્તીથી અંદર ઘૂસી ગયો હતો અને તેણે મહિલા કર્મચારીને ગાળો ભાંડી ટાંટીયા ભાંગી નાખવાની ધમકી આપી હતી. પોલીસે ફરજ રૂકાવટ સહિતની કલમો હેઠળ ગુન્હો નોંધ્યો છે.
જામનગર-રાજકોટ માર્ગ પર આવેલા ખીજડિયા ગામ નજીકના પક્ષી અભયારણ્ય-મરીન નેશનલ પાર્કમાં ફરજ બજાવતા જીજ્ઞાબેન પરબતભાઈ હરણ નામના કર્મચારી ગઈકાલે સવારે અભયારણ્યના કેમ્પસમાં ફરજ પર હતા.
આ વેળાએ જામનગરના હાપા ખારી વિસ્તારમાં રહેતો પેથરાજ કાનાભાઈ સોરીયા નામનો શખ્સ ધસી આવ્યો હતો. તેને અમારા ઢોરને પકડીને તમારા કેમ્પસના ડબ્બામાં કેમ પુરી દીધા છે? તેમ પૂછી અંદર જવા દેવા માટે જબરદસ્તી કરી હતી. ફરજ પર રહેલા જીજ્ઞાબેને તેને અંદર જવાની મનાઈ છે તેમ કહેતા ઉશ્કેરાયેલા પેથરાજે અંદર ઘૂસી જઈ જીજ્ઞાબેન તથા અન્ય કર્મચારીઓને ગાળો ભાંડી ટાંટીયા ભાંગી નાખવા ની ધમકી ઉપરાંત તેઓની ફરજમાં રૂકાવટ કરી હતી. પંચકોશી એ ડિવિઝન પોલીસ સ્ટેશનમાં જીજ્ઞાબેને ફરિયાદ નોંેંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (17)_copy_800x449~4.jpeg)
