Author: નોબત સમાચાર
સગીરા પર થયેલા દુષ્કર્મનો વીડિયો વાયરલ કરવાના આરોપમાં થયો છૂટકારો
આરોપીને અદાલતે આપ્યો શંકાનો લાભઃ
જામનગર તા. ૧૮: જામનગરની એક સગીરાને સમજાવી બુઝાવી પોતાની સાથે લઈ ગયેલા શખ્સે તેણી પર દુષ્કર્મ ગુજાર્યાની અને બીજા શખ્સે તે કૃત્યનું મોબાઈલમાં શૂટીંગ કર્યાની ફરિયાદ પોલીસમાં થઈ હતી. તે કેસ ચાલી જતાં અદાલતે વીડિયો શૂટીંગ કરી વાયરલ કરવાના કેસના આરોપીનો છૂટકારો ફરમાવ્યો છે.
જામનગરના એક વિસ્તારમાં વસવાટ કરતા એક પરિવારની સોળ વર્ષની પુત્રી પોતાના ઘરેથી ચીજવસ્તુ લેવા માટે ગઈ હતી ત્યારે તેણીને લલચાવી ફોસલાવી એક શખ્સ પોતાની સાથે લઈ ગયો હતો. આ શખ્સે તે તરૂણીને બચુનગર પાસે કાંટાની વાડમાં લઈ જઈ દુષ્કર્મ ગુજાર્યું હતું અને આ શખ્સ સાથે રહેલા બીજા શખ્સે તેનું મોબાઈલમાં વીડિયો શૂટીંગ કરી લીધુ હતું.
ત્યારપછી તે વીડિયો શૂટીંગ વાયરલ કરાતા સગીરાના પિતાને તેની જાણ થઈ હતી અને પોલીસમાં ફરિયાદ કરવામાં આવી હતી. પોલીસે ગુન્હો નોંધી બંને શખ્સની ધરપકડ કરી હતી.
ઉપરોક્ત કેસ જામનગરની અદાલતમાં ચાલવા પર આવ્યો ત્યારે બીજા નંબરના આરોપી તરફથી રોકાયેલા વકીલે દલીલ કરી હતી કે, જે વીડિયો શૂટીંગ કરવામાં આવ્યું છે તે મોબાઈલ કયો હતો અને કોના દ્વારા શૂટીંગ વાયરલ કરવામાં આવ્યું છે તે રેકર્ડ પર આવ્યું નથી. તેથી આ આરોપી સામે કોઈ પુરાવો મળી રહ્યો નથી. અદાલતે તે દલીલ ગ્રાહ્ય રાખી શંકાનો લાભ આપી આ આરોપીનો છૂટકારો ફરમાવ્યો છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
