કોપનહેગન દુનિયામાં સૌથી વધુ રહેવા જેવું શહેરઃ દમાસ્કસ સૌથી છેલ્લું

Author: નોબત સમાચાર

કોપનહેગન દુનિયામાં સૌથી વધુ રહેવા જેવું શહેરઃ દમાસ્કસ સૌથી છેલ્લું

ધ ઈકોનોમિસ્ટ ઈન્ટેલિજન્સ યુનિટની વર્ષ ૨૦૨૫ની ૧૭૩ દેશની યાદી

નવી દિલ્હી તા. ૧૮: ધ ઇકોનોમિસ્ટ મેગેઝિનની એક સહયોગી સંસ્થા ધ ઇકોનોમિસ્ટ ઇન્ટેલિજન્સ યુનિટ (ઈઆઈયુ) એ આ વર્ષની સૌથી વધુ અને સૌથી ઓછા રહેવા યોગ્ય શહેરોની યાદી પ્રસિદ્ધ કરી છે. થિંક ટેન્કે ૨૦૨૫ માટે આરોગ્ય સંભાળ, શિક્ષણ, સ્થિરતા, માળખાગત સુવિધાઓ અને પર્યાવરણના આધારે વિશ્વભરના ૧૭૩ શહેરોને રેટિંગ આપ્યું છે. છેલ્લા વર્ષમાં યાદીના તળિયે રેન્કિંગમાં બહુ ફેરફાર થયો નથી. ભૂતપૂર્વ રાષ્ટ્રપતિ બશર અલ - અસદના પતનના છ મહિના પછી પણ સીરિયાનું દમાસ્બસ વિશ્વનું સૌથી ઓછું રહેવા યોગ્ય શહેર રહૃાું છે. લિબિયાનું ત્રિપોલી તેનાથી ઉપર છે. બાંગ્લાદેશનું પાટનગર ઢાકા નીચેથી ત્રીજા ક્રમે છે, જ્યારે પાકિસ્તાનની નાણાકીય રાજધાની કરાચી અને અલ્જીરિયાનું અલ્જીયર્સ ચોથા અને પાંચમા ક્રમે સૌથી ઓછા રહેવા યોગ્ય શહેરો છે.

ડેનમાર્કનું પાટનગર કોપનહેગન આ યાદીમાં ટોચ પર છે . કોપનહેગન સ્થિરતા, શિક્ષણ અને માળખાગત સુવિધાઓ માટે *પરફેક્ટ * રકોર મેળવીને જીત્યું, જ્યારે વિયેના વિસ શહેર ઝુરિચ સાથે બીજા સ્થાને રહૃાું છે. ઓરટ્રેલિયાનું મેલબોર્નએ ચોથું સ્થાન જાળવી રાખ્યું છે. જ્યારે સ્વિટ્ઝર્લેન્ડનું જીનીવા યાદીમાં પાંચમા સ્થાને રહૃાું છે. ટોચના પાંચ શહેરોની બહાર , ઓસ્ટ્રેલિયાનું સિડની સંયુક્ત રીતે સાતમાથી છઠ્ઠા સ્થાને પહોંચી ગયું , જ્યારે જાપાનનું શહેર ઓસાકા અને ન્યૂઝીલેન્ડનું ઓક્લેન્ડ સંયુક્ત રીતે સાતમા સ્થાને રાહૃાું છે. નવમા સ્થાને , એડિલેડ ટોચના ૧૦ માં સ્થાન મેળવનાર ત્રીજું ઓસ્ટ્રેલિયન શહેર હતું , જ્યારે કેનેડાનું વાનકુવર ૧૦ મા ક્રમે હતું . ૨૦૨૪ માં પાંચમું સ્થાન મેળવનાર કેલગરી આ વર્ષે ટોચના ૧૦ માંથી બહાર નીકળી ગયું .

દેશની આરોગ્ય સંભાળ પ્રણાલી પર* તણાવને કારણે ત્રણ અન્ય કેનેડિયન શહેરો સાથે ઓછા આરોગ્ય સંભાળ સ્કોર મેળવ્યા પછી ૧૮ મા સ્થાને આવી ગયું છે. હોનોલુલુ હવાઈ, યુએસ શહેર યાદીમાં ટોચ પર હતું, જે ૨૩ માં સ્થાને પહોંચી છે.

જો આપને આ પોસ્ટ ગમી હોય તો શેર કરો...