Author: નોબત સમાચાર
લતીપુરમાં સત્તર વર્ષ પહેલાં લૂંટની કોશિષ કરનાર ગેંગના નાસતો ફરતો આરોપી ઝબ્બે
એલસીબીએ શેખપાટના પાટીયેથી પકડ્યોઃ
જામનગર તા. ૧૮: ધ્રોલના લતીપુરમાં સત્તર વર્ષ પહેલાં એક પ્રૌઢના મકાનમાં લૂંટના ઈરાદે ઘૂસેલા શખ્સોએ આ આસામીને માર મારી લૂંટનો નિષ્ફળ પ્રયાસ કર્યાે હતો. તે ગુન્હામાં છમાંથી ચાર આરોપી પકડાઈ ગયા હતા અને એક આરોપી સત્તર વર્ષથી નાસતો ફરતો હતો. તેને એલસીબીએ પકડી પાડ્યો છે.
ધ્રોલ તાલુકાના લતીપુર ગામના બાવનજીભાઈ પોપટભાઈ હાપલીયા નામના આસામી વર્ષ ૨૦૦૮માં પોતાના મકાનમાં રાત્રિના સમયે નિદ્રાધીન થયા હતા ત્યારે કોઈ અજાણ્યા શખ્સો લૂંટના ઈરાદે તેમના મકાનમાં ઘૂસ્યા હતા. આ શખ્સોએ બાવનજીભાઈ પર હુમલો કરી ગંભીર ઈજા પહોંચાડી હતી અને લૂંટની કોશિષ કરી હતી.
આ વેળાએ બાવનજીભાઈએ કરેલી બૂમાબૂમ પછી લૂંટારૂઓ નાસી ગયા હતા. પોલીસમાં તેની ફરિયાદ કરવામાં આવતા આઈપીસી ૩૯૫, ૩૯૪, ૧૧૪ હેઠળ ગુન્હો નોંધી તપાસનો ધમધમાટ શરૂ કરાયો હતો અને તે ગુન્હામાં સંડોવાયેલા છમાંથી ચાર આરોપીની ધરપકડ કરવામાં આવી હતી.
ત્યારપછી પાંચમા આરોપી મૂળ મધ્યપ્રદેશના અલીરાજપુર જિલ્લાના જોબટ તાલુકાના આબુવા ગામના અભેસીંગ ધનજી બાંગડીયા નામના શખ્સના સગડ દબાવાયા હતા. છેલ્લા સત્તર વર્ષથી આ શખ્સ પોલીસને હાથતાળી આપતો હતો. ઉપરોક્ત આરોપી જામનગર-રાજકોટ ધોરીમાર્ગ પર શેખપાટના પાટીયા પાસે આવ્યો હોવાની બાતમી એલસીબીના કાસમ બ્લોચ, દિલીપભાઈ તલાવડીયા, હિતેન્દ્રસિંહને મળતા પીઆઈ વી.એમ. લગારીયાની સૂચનાથી ત્યાં દોડી ગયેલી એલસીબી ટીમે અભેસીંગને પકડી પાડ્યો છે તેનો કબજો ધ્રોલ પોલીસને સોંપવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
